སྐྱེ་ཁམས་ཀྱིས་ཞིང་ཆེན་སྐྱོང་བའི་འཐབ་ཇུས་ཀྱི་བཀོད་སྒྲིག་གཞིར་བཟུང་ནས། རང་ཞིང་གིས་འབབ་རྒྱུད་ཆུང་བ་ཕྱོགས་བསྡུས་བཅོས་སྐྱོང་བྱེད་པ་རྨང་གཞི་བྱས་པའི་ས་ཆུ་སྲུང་འཛིན་གྱི་ཕྱོགས་བསྡུས་བཅོས་སྐྱོང་དེ་བྱེ་བྲག་ནས་སྤྱི་ཡོངས་དང་། རིམ་པ་རེ་རེ་བཞིན་སྤེལ་བ་དང་འཁོར་སྐྱོད་ངང་འཕེལ་རྒྱས་སུ་གཏོང་རྒྱུ་རྒྱུན་འཁྱོངས་བྱས་པ་མ་ཟད། ས་ཁོངས་དཔལ་འབྱོར་འཕེལ་རྒྱས་དང་ཞིང་སྡེ་གསར་བ་འཛུགས་སྐྲུན། ཆུའི་མགོ་ཁུངས་ལ་སྲུང་སྐྱོབ་བྱེད་པ་སོགས་དང་མཉམ་འབྲེལ་བྱས་ཏེ། མུ་མཐུད་ཕྱོགས་བསྡུས་བཅོས་སྐྱོང་གི་ཕན་འབྲས་མཐོ་རུ་འདེགས་པ་དང་། ས་ཆུ་ཤོར་བ་ཇེ་སྡུག་ཏུ་འགྲོ་བའི་གནས་བབ་ལ་བཅོས་སྐྱོང་བྱས་ནས། སྐྱེ་ཁམས་དཔལ་ཡོན་སྔོན་བསྐྱོད་ཁུལ་འཛུགས་སྐྲུན་གྱི་ཐད་གསོན་ཤུགས་གསར་བ་བསྣན།
རང་ཞིང་ནི་ས་སེར་མཐོ་སྒང་དང་མདོ་དབུས་མཐོ་སྒང་གི་འབྲེལ་མཚམས་དང་བར་བརྒལ་ཁུལ་ན་གནས་པ་དང་། ས་དབྱིབས་དུམ་བུར་གྱུར་བ། གྲོག་རོང་བསྣོལ་མར་འབྲེལ་བ། དམིགས་བསལ་ས་བབ་ཀྱི་ནམ་ཟླའི་ཆ་རྐྱེན་དང་ཐན་སྐྱོན་ཆེ་ཞིང་ཆར་ཆུ་ཉུང་བ། དེའི་སྟེང་ལུགས་དང་མི་མཐུན་པའི་མིའི་རིགས་ཀྱི་བྱ་སྤྱོད་ཀྱིས་མ་གཞི་ནས་རྩི་ཤིང་ཐར་ཐོར་དང་རང་བྱུང་ཆ་རྐྱེན་སྡུག་པའི་རི་ཁུལ་གྱི་ས་གཞི་ལ་བསླད་སྐྱོན་ཐེབས་པ་ཚབས་ཆེ་བ་དང་། ས་ཆུ་ཤོར་