ཞིང་ཆེན་རྒྱལ་ཁབ་ས་ཁོངས་ཐོན་ཁུངས་ཐཱིན་དང་། ཞིང་ཆེན་གནས་སྤོར་ཡུལ་མི་བཀོད་སྒྲིག་ཅུའུ་གཉིས་ཀྱིས“གནས་སྤོར་ཐུབ་པ་དང་། བརྟན་གནས་ཡོང་ཐུབ་པ། ཕྱུག་བསྒྱུར་བྱེད་ཐུབ་པ།”བཅས་ཀྱི་དམིགས་འབེན་ལྟར། འབད་པས་རང་ཞིང་གི་ཆུ་མཛོད་ཆེ་འབྲིང་ཆུང་གསུམ་གྱི་གནས་སྤོར་ཡུལ་མི་རྣམས་བཀོད་སྒྲིག་བྱེད་པའི་བྱ་བ་ལེགས་བསྒྲུབས་བྱས་ཤིང་། ཡུལ་མི་བཀོད་སྒྲིག་གི་ལས་དོན་རབ་དང་རིམ་པ་ལག་བསྟར་བྱས་ནས་དམངས་སེམས་ལ་དྲོད་ཁོལ་སྦྱིན་པ་དང་། ཞིང་ཆེན་ཡོངས་ཀྱི་ཆུ་གློག་ཐོན་ཁུངས་གསར་འབྱེད་བྱེད་པའི་འཛུགས་སྐྲུན་བདེ་བླག་ངང་སྤེལ་བར་ཁག་ཐེག ཆུ་གློག་བཟོ་སྐྲུན་དང་རྐྱ་སྦྲེལ་བའི་གནས་སྤོར་ཡུལ་མི་ཚོའི་ཁྲིམས་མཐུན་ཁེ་དབང་ལ་ཁག་ཐེག གནས་སྤོར་ཡུལ་མིའི་བཀོད་སྒྲིག་སྤྱི་ལ་བདེ་བླག་འབྱུང་བ་དང་། གནས་སྤོར་ཡུལ་མིའི་ཐོན་སྐྱེད་སྤྱི་ལ་འཕེལ་རྒྱས་ཡོད་པ། ཆུ་མཛོད་ས་ཁུལ་གྱི་སྤྱི་ཚོགས་བརྟན་འཇགས་ཡིན་པ་བཅས་མངོན་དུ་གྱུར་པ་བྱུང་བས། ཤུགས་དང་ལྡན་པའི་སྒོ་ནས་ཞིང་ཆེན་ཡོངས་ཀྱི་དཔལ་འབྱོར་དང་སྤྱི་ཚོགས་བརྟན་ཅིང་ཅུང་ཟད་མགྱོགས་པའི་འཕེལ་རྒྱས་འབྱུང་བར་ཡར་སྐུལ་གྱི་ནུས་པ་བསྐྱེད། ལ་སེ་བ་དང་། འབའ་མདོ། སྟོང་རི། པཱིན་ལཱིན་སོགས་གློག་འདོན་ས་ཚིགས་དག་གིས་བདེ་བླག་ངང་ཆུ་གསོག་གློག་འདོན་ཐུབ་པ་མངོན་ག
