ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། རྒྱལ་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞིས་ཅིན་ཕིན་གྱིས་ཚེས་སོ་གཅིག་ཉིན་གྱི་ཕྱི་དྲོར་ཀྲུང་ནན་ཧེ་ནས། རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱི་སྐབས་གསར་བའི་མགོ་ཁྲིད་མི་སྣར་གསུང་བཤད་གལ་ཆེན་གནངས། ཞིས་ཅིན་ཕིན་གྱིས་ཏང་གི་བུད་མེད་བྱ་བ་བཟང་བོར་བསྒྲུབ་རྒྱུ་ནི། མཐུན་སྒྲིལ་མཉམ་གནས་སྒོས་རང་རྒྱལ་མི་གྲངས་ཀྱི་ཕྱེད་ཙམ་ཟིན་པའི་རྒྱ་ཆེའི་བུད་མེད་དང་། ཏང་དང་མི་དམངས་ཀྱི་ལས་དོན་འཕེལ་རྒྱས་སུ་གཏོང་བའི་ཐད་ནུས་ཤུགས་འདོན་སྤེལ་བྱེད་རྒྱུ་དང་། ཏང་གིས་སྲིད་འཛིན་པའི་གྲལ་རིམ་གྱི་རྨང་གཞི་དང་མང་ཚོགས་ཀྱི་རྨང་གཞི་སྲ་བརྟན་དུ་གཏོང་བ་བཅས་ལ་འབྲེལ་བ་ཡོད་པས། ངེས་པར་དུ་ཕོ་མོ་འདྲ་མཉམ་སོགས་གཞི་རྩའི་རྒྱལ་ཇུས་རྒྱུན་འཁྱོངས་བྱས་ཏེ། རང་རྒྱལ་བུད་མེད་ཀྱི་རླབས་ཆེན་ནུས་པ་འདོན་སྤེལ་གང་ལེགས་སྒོས་ཏང་གི་ཚོགས་ཆེན་ཐེངས་བཅོ་བརྒྱད་པའི་སྙན་ཞུའི་ནང་བཏོན་པའི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར་བརྒྱའི་ནང་འབྱོར་འབྲིང་སྤྱི་ཚོགས་ཕྱོགས་ཡོངས་ནས་གྲུབ་པའི་དམིགས་འབེན་ངེས་པར་དུ་མངོན་འགྱུར་བྱེད་རྒྱུ་དང་། ཀྲུང་གོ་གསར་བ་དབུ་བརྙེས་ནས་ལོ་འཁོར་བརྒྱའི་ནང་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ང