ཡུལ་ཤུལ་ས་འགུལ་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་ནི་ད་ལྟའི་བར་དུ་མིའི་རིགས་ཀྱིས་མཐོ་སྒང་གི་མཐོ་འཁྱགས་ས་ཁུལ་ནས་སྤེལ་བའི་གཞི་ཁྱོན་ཆེས་ཆེ་བའི་གནོད་ཤུལ་བསྐྱར་འཛུགས་ཐེངས་ཤིག་རེད། ལོ་གསུམ་འདས་ཟིན་པ་དང་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་བྱ་བའི་འཕེལ་རིམ་ཅི་འདྲ་ཡིན་པའི་ཐད་ལ་རྒྱལ་ཡོངས་དང་ཞིང་ཆེན་ཡོངས་ཀྱི་རིགས་སོ་སོའི་མི་དམངས་ཀྱིས་སེམས་ཁུར་བྱེད་བཞིན་ཡོད་ལ་དུས་དང་རྣམ་པ་ཀུན་དུ་གསར་འགོད་པའི་སེམས་སུ་འཁྲེང་བཞིན་ཡོད། གནོད་ཤུལ་བསྐྱར་འཛུགས་བྱ་བ་མཇུག་བསྡུ་ལ་ཡོད་པའི་སྐབས་དེར་གསར་འགོད་པ་ཡང་བསྐྱར་གནས་འདིར་ཐེངས་ཤིག་བསླེབས་པ་དང་། ཉིན་དེར་འབྲེལ་ཡོད་ཕྱོགས་ཀྱི་གནས་ཚུལ་མཚམས་སྦྱོར་བྱས་པར་ཉན་པ་དང་གནོད་ཤུལ་བསྐྱར་འཛུགས་བྱེད་ས་བཅས་སུ་སོང་ནས་མི་དམངས་མང་ཚོགས་ལ་ཐད་ཀར་དུ་འབྲེལ་འདྲིས་ཟབ་མོ་བྱས། རྒྱ་ཆེ་བའི་གཞུང་ལམ་དང་བོད་ཀྱི་ཁྱད་ཆོས་རྔམ་མཐུག་པའི་བཟོ་བཀོད། གོ་རིམ་ལྡན་པའི་ཐོན་སྐྱེད་འཚོ་བ་བཅས་ལས་བོད་མི་རིགས་ཀྱིས་རང་ཉིད་ཀྱི་ཁྱིམ་གཞིས་འཛུགས་སྐྲུན་བྱེད་པའི་ཡིད་ཆེས་དང་སྤོབས་པ་མཐོང་ཐུབ་པར་མ་ཟད་ཀྲུང་གོའི་སྙིང་སྟོབས་དང་ཀྲུང་གོའི་སྟོབས་ཤུགས་ཀྱང་སེམས་ཀྱིས་ཚོར་ཐུབ།
ཡུལ་ཤུལ་ས་འགུལ་གནོད་འཚེའི་རྗེས་ཀྱི་སླར་གསོ་བསྐྱར་འཛ