“ང་ཚོའི་ནོར་ལུག་གིས་དགུན་ཁ་དང་དཔྱིད་ཀར་ཡང་རྩྭ་སྔོན་གཟན་ཆས་ཟ་ཐུབ་ཀྱིན་ཡོད།”
སྟོན་དུས་ལོ་ཏོག་བསྡུས་རྗེས་རྩྭ་སྔོན་གཟན་ཆས་ལས་སྣོན་གསོག་ཉར་བྱས་ཏེ། དགུན་དུས་དང་དཔྱིད་དུས་སྐྱ་ཟད་སྔོ་ཐུག་གི་སྐབས་སུ་ནོར་ལུག་ལ་སྟེར་བཞིན་ཡོད་པ་དང་། རྩྭའི་རྒྱུ་སྤུས་དབྱར་དུས་དང་འདྲ་བར་གསར་བ་ཡིན། དེ་ནི་འབྲོག་པ་རྣམས་ཀྱི་དུས་རྒྱུན་བཤད་པའི་རྩྭ་སྔོན་གཟན་ཆས་རེད།
2013ལོའི་དགུན་ཁའི་ཉིན་ཞིག་ལ། གསར་འགོད་པ་རྨ་ཆེན་རྫོང་རྟ་བོར་ཞང་འགུ་རྡོ་སྡེ་བའི་རྩྭ་སྔོན་གཟན་ཆས་གསོག་འཇོག་རྟེན་གཞི་རུ་ཐོན་པ་དང་། ནང་དུ་སྤྱིལ་བུ་དྲུག་བརྒྱ། སྤྱི་རྒྱ་དོན་ལྔ་ཡོད་པའི་རྩྭ་སྔོན་གཟན་ཆས་གྲལ་དག་གེར་བསྒྲིགས་ཡོད། རྩྭ་སྔོན་གཟན་ཆས་དེ་འགྱིག་ཤོག་སྔོན་པོ་ཞིག་གིས་བརྩེགས་རིམ་གསུམ་རེའི་ཐོག་ཏུ་གསུམ་རེ་བྱས་ཏེ་བཏུམ་ཡོད། རྟ་བོར་ཞང་གི་མགོ་གཙོ་གཞོན་པ། འགུ་རྡོ་སྡེ་བར་སྡོད་པའི་ལས་བྱེད་པ་རྡོ་རྗེ་ཚེ་བརྟན་གྱིས་བཤད་རྒྱུར། “འགུ་རྡོ་སྡེ་བའི་གཟན་རྩྭའི་རྟེན་གཞི་རུ་སྔོ་རྩྭའི་གཟན་ཆས་ཐུམ་རྒྱག་པའི་ལག་རྩལ་བཀོལ་སྤྱོད་བྱེད་ཀྱིན་ཡོད་ལ། དེ་ནི་མགོ་ལོག་ཁུལ་ཡོངས་ཀྱི་རྟེན་གཞི་གཅིག་པུ་ཡིན། དེ་ལས་གཞན། ང་ཚོས་ད་དུང་རྩྭ་སྔོན་གཟན་ཆས་སྤྱིལ་བུ་སྟོང་གཅིག་དང་ལྔ་བརྒྱ་གས