ད་ལོ་ནས་བཟུང་། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་གིས་ས་ཁོངས་ཅན་དང་། གཞི་ཁྱོན་ཅན། རྟེན་གཞི་ཅན། ཁྱད་ཆོས་ཅན་བཅས་ཀྱི་དགོས་མཁོ་ལྟར། རྫོང་ཁོངས་ཀྱི་ཞིང་ཕྱུགས་ལས་ཐོན་ཁུངས་ཀྱི་ཁྱད་སྟོབས་བཀོལ་སྤྱོད་གང་ལེགས་བྱས་ཏེ། ལས་གཞིའི་དངུལ་གཏོང་དང་། ནོར་སྲིད་སོགས་ཀྱིས་མ་དངུལ་སྒོར་མོ་བྱེ་བ་བདུན་ལྷག་ལེགས་སྒྲིག་བྱས་ཏེ། ཞིང་ཕྱུགས་ལས་ཀྱི་སྒྲིག་བཀོད་སྔར་ལས་ཇེ་བཟང་དུ་གཏོང་བ་དང་། ཞིང་ཕྱུགས་ལས་ཀྱི་ཐོན་ལས་རིམ་པ་སྔར་ལས་ཇེ་མཐོར་བཏང་སྟེ། རྫོང་ཡོངས་ཀྱི་དེང་རབས་ཞིང་ཕྱུགས་ལས་ཐོན་ལས་ཅན་དུ་བསྒྱུར་བར་མུ་མཐུད་ནས་ཤུགས་བསྣན།
གཅིག་ནས་ཞིང་ལས་འདེབས་འཛུགས་ཀྱི་གྲུབ་ཚུལ་མུ་མཐུད་དུ་ཇེ་བཟང་དུ་བཏང་བ་སྟེ། རྫོང་ཡོངས་ཀྱིས་ས་མུའུ་འབུམ་གསུམ་དང་ཁྲི་དགུ་ལྷག་འདེབས་འཛུགས་བྱས་པ་དང་། དེའི་ནང་ས་མུའུ་འབུམ་གསུམ་དང་སྟོང་བཞི་ལྷག་གི་སྟེང་འབྲུ་རིགས་བཏབ་ཅིང་། དེ་ན་ནིང་གི་དུས་མཉམ་ལས་ས་མུའུ་ཁྲི་དགུ་དང་སྟོང་དགུ་ལྷག་གིས་ཇེ་ཉུང་དུ་སོང་། ས་མུའུ་འབུམ་གཅིག་དང་སྟོང་ལྔ་ལྷག་གི་སྟེང་སྣུམ་བཙགས་ཆོག་པའི་ཞིང་ལས་ལོ་ཏོག་འདེབས་འཛུགས་བྱས་ལ། དེ་དུས་མཉམ་ལས་ས་མུའུ་སྟོང་དྲུག་དང་སྟོང་གཅིག་ལྷག་གིས་ཇེ་མང་དུ་སོང་། ས་མུའུ་སྟོང་གཉིས་དང་ལྔ་བརྒྱ་ལྷག་གི
