གསར་འགོད་པ་ཀོས་ནན་རྫོང་གི་བྱ་མདོ་ཞང་གོར་ལྷེ་སྡེ་བར་ཐོན་དུས། ཐོག་མར་མིག་ལམ་དུ་མངོན་ཡོང་བ་ནི་ཁྱིམ་ཚང་གི་ཕྱི་རའི་གྱང་ངོས་ཀྱི“ས་ཞིང་ལེགས་བཅོས་བཟང་། སྤྱི་ཚོགས་རིང་ལུགས་བཟང”ཞེས་པའི་ཡིག་འབྲུ་བཅུ་བོ་དེ་རེད། འདི་ནི་སྡེ་བ་དེའི་མང་ཚོགས་ཀྱིས་ས་ཞིང་ལེགས་བཅོས་ཀྱི་ལས་གཞི་ལག་བསྟར་ཉམས་སུ་མྱངས་རྗེས་ཁོ་ཚོ་རང་ཉིད་ཀྱིས་བྲིས་པ་རེད། ཉིས་སྟོང་ལྔ་ལོའི་ཚུན་དུ། མཚོ་ལྷོ་ཁུལ་གྱིས་ཧུར་ཐག་སྒོས་ས་ཞིང་གསར་སྤེལ་ལེགས་བཅོས་ཀྱི་ལས་གཞི་ལག་བསྟར་བྱས་ཏེ། བསྡོམས་པས་མ་དངུལ་སྒོར་དུང་ཕྱུར་གཉིས་དང་བྱེ་བ་གཅིག་གིས་བཏང་བ་དང་། འཛུགས་སྐྲུན་གྱི་གཞི་ཁྱོན་མུའུ་ཁྲི་བརྒྱད་སྟོང་གསུམ་ལ་སླེབས་པ་དང་། རྨོ་ཞིང་མུའུ་ཁྲི་གཉིས་ལ་ཉེ་བ་ཞིག་གསར་དུ་ཁ་སྣོན་བྱས་ལ། ཚང་མ་རྫོང་ཁག་ལྔ་དང་སྡེ་བ་བཅོ་བརྒྱད་ཀྱི་མི་ཁྲི་གཉིས་ལ་ཉེ་བ་ཞིག་ལ་འབྲེལ་བ་ཡོད་པ་དང་། ས་ཞིང་ལེགས་བཅོས་ཀྱིས་ཞིང་ལས་ཀྱི་ཐོན་སྐྱེད་ནུས་ཤུགས་དང་ཐོན་ཚད་ཇེ་མཐོར་བཏང་བ་མ་ཟད། མང་ཚོགས་ཀྱི་ཡོང་སྒོ་ཀྱང་ཇེ་མང་དུ་བཏང་བ་དང་། ཐོན་སྐྱེད་ཀྱི་ཆ་རྐྱེན་ཇེ་ལེགས་སུ་སོང་བས། ཞིང་སྡེ་གསར་བ་འཛུགས་སྐྲུན་དང་ཕྱོགས་ཡོངས་ནས་འབྱོར་འབྲིང་སྤྱི་ཚོགས་འགྲུབ་པར་བྱེད་པའི་བརྒྱུད་རིམ་ལ་སྐུལ་འདེད་བྱས།
མཚོ་ལྷོ་ཁུལ་གྱི
