2013ལོའི་མཚོ་སྔོན་གནས་སྐོར་ལས་རིགས་ཀྱི་འབུར་དུ་ཐོན་ས་བཅུ་སྟེ། གཅིག ལོ་ཧྲིལ་བོར་གནས་སྐོར་གྱི་དམིགས་ཚད་སྣ་ཚོགས་ཡོངས་འགྲུབ་བྱས་པ།
2013ལོར། ཞིང་ཆེན་གནས་སྐོར་ཅུའུ་ཡིས“ཞིང་ཆེན་ཡོངས་ཀྱི་གནས་སྐོར་འཛད་སྤྱོད་དང་ཞུབས་ཞུ་ཇེ་མཐོར་གཏོང་བའི་ལོ”དེ་བརྗོད་གཞི་རུ་གཏན་ལ་ཕབ་སྟེ། གནས་སྐོར་ལས་རིགས་གོང་དུ་འཕེལ་བའི་སྤུས་ཚད་དང་ཕན་འབྲས་ཇེ་མཐོར་གཏོང་བར་དོ་སྣང་དང་། གནས་སྐོར་ཚོང་ཁྲོམ་གྱི་འགྱུར་ལྡོག་ལ་དབྱེ་ཞིབ། གནས་སྐོར་ཚོང་ཁྲོམ་གྱི་རང་འགུལ་དབང་ཆ་ཁོང་དུ་ཆུད་པར་བྱས་ཏེ། “ཚོང་རྟགས་བསྐྲུན་པ་དང་ཚོང་ཁྲོམ་རྒྱ་བསྐྱེད་པ། འཛད་སྤྱོད་ལ་ཡར་སྐུལ། བརྟན་བརླིང་ངང་འཕར་བ”བཅས་ཕན་འབྲས་ལྡན་པའི་བྱེད་ཐབས་གསལ་བོར་བཏོན་ནས། ཕྱོགས་བསྡུས་སྒོས་གནས་སྐོར་ཚོང་ཁྲོམ་འཕེལ་རྒྱས་གཏོང་བའི་བྱེད་ཐབས་གཉིས་ལག་ཏུ་བསྟར་ཏེ། འཛད་སྤྱོད་ཀྱི་ཁོར་ཡུག་ཇེ་ལེགས་སུ་བཏང་བ་དང་། འཛད་སྤྱོད་ཀྱི་རིམ་པ་འཕར་བར་སྐུལ་འདེད་དང་། འཛད་སྤྱོད་ཀྱི་ཁྱབ་ཁོངས་རྒྱ་བསྐྱེད་པས། ཞིང་ཆེན་ཡོངས་ཀྱི་གནས་སྐོར་ལས་རིགས་བརྟན་བརླིང་དང་མགྱོགས་མྱུར་ངང་གོང་དུ་འཕེལ་བར་ཡར་སྐུལ་བྱས་པ་དང་། ལོ་ཧྲིལ་བོར་རིམ་བསགས་ཀྱིས་རྒྱལ་ཁབ་ཕྱི་ནང་གི་གནས་སྐོར་པ་མི་ཐེངས་བྱེ་བ་གཅིག་དང་ས་ཡ་བདུན་འ