ཉེ་ལམ། མཚོ་སྔོན་ཞིང་ཆེན་སྲིད་གཞུང་ཡིད་འཐད་བྱུང་བ་བརྒྱུད་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན། ཞིང་ཆེན་ནོར་སྲིད་ཐིན་གཉིས་ཀྱིས་མཉམ་དུ་ཞིང་སྡེའི་གསར་བའི་འབྲོག་ཁུལ་དང་མཁར་གྲོང་སྡོད་དམངས་ཀྱི་སྤྱི་ཚོགས་རྒན་གསོ་འགན་སྲུང་གི་གཞི་རྩའི་རྒན་གསོ་མ་དངུལ་སྙོམས་སྒྲིག་བྱེད་པའི་ཐད་ཀྱི་བརྡ་ཐོ་བཏང་ནས། ཉིས་སྟོང་བཅུ་བཞི་ལོའི་ཟླ་དང་པོའི་ཚེས་གཅིག་ཉིན་ནས་བཟུང་མཚོ་སྔོན་ཞིང་ཆེན་གྱི་ཞིང་སྡེའི་གསར་བའི་མཉམ་ལས་སྨན་བཅོས་ཀྱི་འགན་སྲུང་དང་མཁར་གྲོང་སྡོད་དམངས་ཀྱི་གཞི་རྩའི་རྒན་གསོ་མ་དངུལ་དེ་མི་རེར་ཟླ་རེ་ལ་སྒོར་མོ་ཉེར་ལྔ་ཇེ་མཐོར་བཏང་སྟེ། ད་ལྟའི་མི་རེ་ལ་ཟླ་རེར་སྒོར་མོ་གྱ་ལྔ་ཡོད་པ་དེ་སྒོར་མོ་བརྒྱ་དང་བཅུ་ལ་ཇེ་མཐོར་བཏང་སྟེ། མཁར་གྲོང་སྡོད་དམངས་སྟོང་གསུམ་དང་བཞི་བརྒྱ་གཉིས་དང་ཞིང་སྡེ་གསར་བའི་སྡོད་དམངས་་ཁྲི་གསུམ་དང་སྟོང་བརྒྱད་ལ་ཐད་ཀར་དུ་ཁེ་ཕན་དངོས་ཐོབ་རྒྱུ་རེད། སྙོམས་སྒྲིག་བྱས་རྗེས་སུ་མཚོ་སྔོན་ཞིང་ཆེན་གྱི་མཁར་གྲོང་སྡོད་དམངས་ཀྱི་གཞི་རྩའི་རྒན་གསོ་དངུལ་གྱི་ཚད་གཞི་དེ་ནུབ་རྒྱུད་ཀྱི་ཨང་བཞི་བ་ནས་ཨང་དང་པོར་འགྱུར་རྒྱུ་རེད།
ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་དམངས་འཚོའི་བྱ་བར་མཐོང་ཆེན་བྱས་ཏེ། ད་ལོའི་མཚོ་སྔོན་ཞིང་ཆེ
