གཙང་གསུམ་འབྱུང་ཡུལ་དུ་ཡང་བསྐྱར་གཞི་ཁྱོན་ཆེན་པོའི་ཨ་བྲའི་གནོད་པ་འགོག་བཅོས་བྱེད་པའི་བྱ་བ་ལག་བསྟར་བྱས།
ཉེ་ལམ། གཙང་གསུམ་འབྱུང་ཡུལ་གྱི་རྒྱལ་ཁབ་སྐྱེ་ཁམས་སྲུང་སྐྱོབ་ཕྱོགས་བསྡུས་ཚོད་ལྟའི་ས་ཁུལ་འཛུགས་སྐྲུན་ཁྱོན་ཡོངས་ནས་མགོ་བརྩམས་པ་དང་བསྟུན་ནས། སྐོར་ཐེངས་གསར་བའི་གཙང་གསུམ་འབྱུང་ཡུལ་གྱི་ཨ་བྲའི་གནོད་པ་འགོག་བཅོས་བྱ་བ་ཡང་བསྐྱར་གཞི་ཁྱོན་ཆེན་པོས་ལག་བསྟར་བྱས་ཏེ། གཙང་གསུམ་འབྱུང་ཡུལ་གྱི་རྩྭ་སའི་སྐྱེ་ཁམས་ཁོར་ཡུག་ཁྱོན་ཀུན་ནས་ལེགས་བཅོས་བྱེད་པར་ཁག་ཐེག་བྱས།
མཚོ་སྔོན་ཞིང་ཆེན་གྱི་རྩྭ་སའི་གཞི་ཁྱོན་མུའུ་དུང་ཕྱུར་ལྔ་བྱེ་བ་བདུན་ས་ཡ་བཞི་ཡིན་ཞིང་། བེད་སྤྱོད་ཆོག་པའི་རྩྭ་སའི་གཞི་ཁྱོན་མུའུ་དུང་བཞི་བྱེ་བ་བདུན་ས་ཡ་བཞི་ཡོད་པས། རྒྱལ་ཡོངས་ཀྱི་བེད་སྤྱོད་ཆོག་པའི་རྩྭ་སའི་གཞི་ཁྱོན་གྱི་བརྒྱ་ཆའི་བཅུ་བཞི་ལྷག་ཟིན་ལ། ཞིང་ཆེན་ཡོངས་ཀྱི་ས་ཆའི་གཞི་ཁྱོན་གྱི་བརྒྱ་ཆའི་ལྔ་བཅུ་ཡན་ཟིན་ཡོད། དུས་ཡུན་རིང་བོར། ནམ་ཟླ་དང་མི་བཟོས་རྒྱུ་རྐྱེན་གྱི་ཤུགས་རྐྱེན་ཐེབས་འོག མཚོ་སྔོན་ཞིང་ཆེན་གྱི་རྩྭ་ས་ཆེས་ཆེར་ཉམས་ཞན་དུ་གྱུར་ཏེ། ཨ་བྲའི་གནོད་པ་མང་དུ་འབྱུང་བཞིན་ཡོད། རྩྭ་ས་ཉམས་ཞན་དུ་གྱུར་བ་དེས་ཨ་བྲར་གནོད་པ་བཟོ་བར་ཁོར་ཡུག་གི་ཆ་རྐྱེན་བསྐ