—མགོ་ལོག་ཁུལ་རྨ་སྟོད་རྫོང་རྨ་ཆུ་ཞང་ཁྲིམས་འཛིན་སའོ་ཡི་སྔོན་ཐོན་བྱས་རྗེས་མདོར་ཙམ་བཀོད་པ།
“རྨ་ཆུའི་མགོ་ཁུངས་ཀྱི་རྫོང་དང་པོ”ཞེས་སྙན་པའི་བ་དན་ཕྱོགས་བཅུར་ཁྱབ་པའི་མཐོ་སྒང་གི་ཡུལ་གྲུ་དེ་རུ་མགོ་ལོག་ཁུལ་རྨ་སྟོད་རྫོང་རྨ་ཆུ་ཞང་གི་ཁྲིམས་འཛིན་སའོ་ཡི་བུད་མེད་མི་དམངས་ཉེན་རྟོག་པ་ཚོ་གནས་འདུག་སྟེ། ཁོ་མོ་ཚོ་ནི་ཁ་བ་བུ་ཡུག་ཁྲོད་རྩ་བ་ཚུགས་ཤིང་སད་དང་དྲག་ཆར་གྱི་འཇིགས་པ་ལས་གསོན་ཤུགས་འཕེལ་ཏེ་འདབ་ལག་ལྷུག་པར་བཞད་པའི་མེ་ཏོག་གངས་ལྷ་དང་ཀུན་ནས་མཚུངས།
རྨ་ཆུ་ཞང་ནི་རྨ་སྟོད་རྫོང་གི་ཤར་ལྷོའི་མཚམས་སུ་གནས་ཤིང་སི་ཁྲོན་ཞིང་ཆེན་གྱི་སེར་ཤུལ་རྫོང་དང་འབྲེལ་ཡོད་པ་དང་། ཕྱུགས་ལས་ཁོ་ན་གཉེར་བའི་ཞང་ཞིག་རེད། རྨ་ཆུ་ཞང་གི་ས་ཁྱོན་ལ་མུའུ་ས་ཡ་བདུན་དང་འབུམ་ལྔ་ཁྲི་གཉིས་སྟོང་བརྒྱད་ཡོད་པ་དང་། དེ་རུ་སྲིད་འཛིན་སྡེ་བ་དྲུག་དང་སྐྱེ་ཁམས་གནས་སྤོའི་སྡེ་བ་གཅིག་བཅས་ཆགས་ཡོད་ཅིང་དུད་ཁྱིམ་བདུན་བརྒྱ་ཉེར་ལྔ་དང་མི་གྲངས་སྟོང་གཉིས་བདུན་བརྒྱ་ཡོད། རྨ་ཆུ་ཞང་ཁྲིམས་འཛིན་སའོ་རུ་ད་ལྟ་མི་དམངས་ཉེན་རྟོག་པ་བཞི་ཡོད་ལ་ཚང་མ་བུད་མེད་རྐྱང་རྐྱང་ཡིན་ཞིང་ཆ་སྙོམས་ལོ་ཚད་སོ་ལྔ་ཙམ་རེད། ལོ་ན་གཞོན་པའི་ཁོ་མོ་ཚོས་འཚོ་བའི་ཆ་རྐྱེན་ཞན་པའི་གནས་ཚུལ་འོག་དང་། ད
