ད་ལོར། མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་འགྲེམ་སྤེལ་བྱས་པའི་ཞིང་འདེབས་ཞིང་བའི་ཁ་གསབ་ཚད་གཞི་ཇེ་མཐོར་གཏོང་བ་སོགས་དམངས་ཕན་སྲིད་ཇུས་ལྔ་ཡིས། མཚོ་སྔོན་གྱི་མཁར་གྲོང་སྡོད་དམངས་ལ་དྲོད་ཁོལ་སྦྱིན། ད་ལོའི་ཟླ་དང་པོའི་ཚེས་གཅིག་ཉིན་ནས་བཟུང་། རྒན་པའི་ཁ་གསབ་རོགས་དངུལ་གྱི་ཚད་གཞི་ཁྱོན་ཡོངས་ནས་ཇེ་མཐོར་གཏོང་མགོ་བརྩམས་པ་དང་། རྣམ་པ་གསར་བའི་ཞིང་སྡེའི་སྤྱི་ཚོགས་རྒན་གསོ་ཉེན་ཚབ་དང་མཁར་གྲོང་སྡོད་དམངས་ཀྱི་སྤྱི་ཚོགས་རྒན་གསོ་ཉེན་ཚབ་ཚད་གཞི་དངོས་འབེབས་བྱེད་མགོ་བརྩམས་ཤིང་། ལོ་རེ་ལྔ་དང་དེའི་ཡན་གྱི་རྒན་པའི་བདེ་ཐང་ཞིབ་བཤེར་གྱི་ཁ་གསབ་ཚད་གཞི་ཇེ་མཐོར་བཏང་། 2014ལོ་ནས་བཟུང་ཞིང་བའི་འབྲུ་རིགས་འདེབས་པའི་ཁ་གསབ་ཚད་གཞི་ཡང་བསྐྱར་ཇེ་མཐོར་བཏང་ཞིང་། འོས་འགན་སློབ་གསོའི་དུས་རིམ་གྱི་བཅའ་སྡོད་སློབ་མའི་འཚོ་བའི་ཁ་གསབ་གྲོན་དངུལ་གྱི་ཚད་གཞི་ཡང་བསྐྱར་ཇེ་མཐོར་བཏང་།
མཚོ་སྔོན་ཞིང་ཆེན་གྱི་ཞིང་བའི་ཁེ་ཕན་སྲུང་སྐྱོབ་བཟང་བོ་བྱས་ནས་ཞིང་འདེབས་ཀྱི་བརྩོན་སེམས་སྐུལ་སློང་དང་འབྲུ་རིགས་ཐོན་སྐྱེད་བརྟན་འཇགས་དང་གོང་དུ་སྤེལ་ཆེད། ཞིང་ཆེན་སྲིད་གཞུང་གི་རྒྱུན་ལས་གྲོས་ཚོགས་ཐེངས་ཉེར་གཅིག་པའི་དགོངས་དོན་ལྟར། ད་ལོར་མཚོ་སྔོན་ཞིང་ཆེན་གྱིས་ཞིང་འདེ
