ཉེ་ལམ། ཧུའུ་ཀྲུའུ་ཧོར་རིགས་རང་སྐྱོང་རྫོང་གི་གནམ་ཟླ་ཅུང་འཁྱག་མོད། རྫོང་གིས་ཞིང་ལས་རྒྱང་སྒྲོག་བརྙན་འཕྲིན་སློབ་གྲྭ་ནས་དངོས་སུ་སྤེལ་བའི་རྣམ་པ་གསར་བའི་ལས་རིགས་གཉེར་བའི་རོང་འབྲོག་མང་ཚོགས་གསོ་སྐྱོང་མཛད་སྒོ་དང་སྐབས་དང་པོའི་སྔོ་ཚོད་འཛིན་གྲྭ་རུ། དགའ་བ་དང་སྤྲོ་བས་བརྟས་ཡོད།
“མཁར་གྲོང་གཞི་གཅིག་ཅན་གྱི་འཕེལ་རྒྱས་རྣམ་པ་སྔར་ལས་ལྷག་པའི་སྒོ་ནས་གཏིང་ཟབ་ཏུ་སོང་བ་དང་བསྟུན། ཞིང་གྲོང་གི་ན་གཞོན་མང་པོའི་ངལ་རྩོལ་ནུས་ཤུགས་རིམ་བཞིན་གྲོང་ཁྱེར་ཏུ་ཁ་ཕྱོགས་བཞིན་ཡོད་ལ། ཞིང་ལས་འཕེལ་རྒྱས་ལ་རྒྱུན་སྐྱོང་མཁན་མེད་པའི་ཚབས་ཆེ་བའི་རྣམ་པར་ཐུག་ཡོད། མ་འོངས་པར་ཞིང་ལས་སུས་གཉེར་བ་དང་། ཅི་ལྟར་ཞིང་འདེབས་པ་ནི་མིག་སྔའི་ཞིང་ལས་འཕེལ་རྒྱས་ཀྱི་གནད་དོན་ཚབས་ཆེན་ཞིག་ཏུ་གྱུར་ཡོད། གནད་དོན་དེ་ཐག་གཅོད་བཟང་པོ་ཞིག་བྱ་ཆེད། རྒྱལ་ཁབ་འབྲུ་རིགས་བདེ་འཇགས་དང་ཞིང་ལས་ཐོན་རྫས་གཙོ་བོའི་ཕན་ནུས་ལྡན་པའི་ངང་མཁོ་འདོན་བྱེད་པའི་ཐབས་ལམ་ཉག་གཅིག་ནི་དེང་རབས་ཞིང་ཕྱུགས་ལས་ཀྱི་འཕེལ་རྒྱས་དང་འཚམས་པའི་ལས་རིགས་རུ་ཁག་ཅིག་གསོ་སྐྱོང་བྱ་རྒྱུ་དེ་རེད། ཚང་མས་ཟབ་སྦྱོང་འཛིན་གྲྭ་རུ་སློབ་སྦྱོང་བྱས་པ་བརྒྱུད་ནས། རང་ཉིད་ཀྱི་ཕྱོགས་བསྡུས་སྤུས་ཚད་དང་འདེབས་འཛུགས་གསོ་སྤེལ་གྱི་ཆུ་ཚ
