ལོ་ངོ་བཅུ་ཕྲག་རིང་ལ་བཟོ་སྐྲུན་སྲུང་སྐྱོབ་བྱེད་ཐབས་ལག་བསྟར་བྱས་པ་བརྒྱུད། གཙང་གསུམ་མགོ་ཁུངས་ཀྱི་ནགས་ལས་ཐོན་ཁུངས་ལ་སྲུང་སྐྱོབ་ཐོབ་པ་དང་། མངའ་ཁོངས་ཁྲོད་ཀྱི་ནགས་ལས་ལ་སླར་གསོ་དང་ལེགས་བཅོས་ཐོབ་པ་མ་ཟད་རྒྱུན་མཐུད་རང་བཞིན་གྱི་འཕར་སྣོན་བྱུང་།
གཙང་གསུམ་འབྱུང་ཡུལ་ནི་རང་རྒྱལ་གྱི་ཆུ་བོ་ཆེན་པོ་གསུམ་གྱི་འབྱུང་ཁུངས་ཡིན། གཙང་བོ་ཆེན་པོ་དེ་གསུམ་གྱི་འབྱུང་ཡུལ་ནི་མཚོ་སྔོན་ཞིང་ཆེན་གྱི་ལྷོ་རྒྱུད་ས་ཁུལ་ཡིན་ལ། གནས་དེ་རུ་ཆ་སྙོམས་བྱས་ན་མཚོ་ངོས་ལས་མཐོ་ཚད་མུས་སྟོང་བཞི་ཡན་ཡོད། མཁའ་དབུགས་ཧ་ཅང་གྲང་ངར་ཆེ་ལ། ཐར་ཐོར་དུ་གནས་པའི་ནགས་ཚལ་གྱི་ཐོན་ཁུངས་ལ་མིའི་རིགས་ཀྱིས་གཏོར་བརླག་ཆེན་པོ་བཟོ་སླ།
དུས་རབས་སྔོན་མའི་ལོ་རབས་དགུ་བཅུའི་དུས་མཇུག་ནས་བཟུང་། རྒྱལ་ཁབ་ཀྱིས་གཞི་ཁྱོན་ཆེན་པོས་རང་བྱུང་ནགས་ཚལ་སྲུང་སྐྱོབ་བཟོ་སྐྲུན་ལག་བསྟར་བྱས་པ་དང་བསྟུན་ནས། མཚོ་སྔོན་ཞིང་ཆེན་གྱིས་གཙང་གསུམ་འབྱུང་ཡུལ་ས་ཁུལ་གྱི་རང་བྱུང་ནགས་ཚལ་ལ་གཏོར་བརླག་བྱས་མི་ཆོག་པ་ཁྱབ་སྒྲོག་བྱས། དེ་བས། གཙང་གསུམ་འབྱུང་ཡུལ་གྱི་ཚད་ཡོད་པའི་ནགས་ཚལ་དེ་སྲུང་སྐྱོབ་དང་སླར་གསོ་བྱེད་པའི་བྱ་བའི་ཁྲོད་ཞུགས། གསར་འགོད་པས་ཉེ་ལམ་གཙང་གསུམ་འབྱུང་ཡུལ་རང་བྱུང་སྲུང་སྐྱོབ་ས་ཁུལ་དུ་བཅར་འད
