སྤྱི་ལོ་ཉིས་སྟོང་ལོར་གཙང་གསུམ་འབྱུང་ཡུལ་རང་བྱུང་སྲུང་སྐྱོབ་ས་ཁུལ་འཛུགས་སྐྲུན་བྱས་པ་ནས་བཟུང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐུགས་ཁུར་དང་རྒྱལ་ཡོངས་རིགས་སོ་སོའི་མི་དམངས་ཀྱི་རྒྱབ་སྐྱོར་ཆེན་པོའི་འོག་དང་། མཚོ་སྔོན་ཞིང་ཆེན་གྱི་རིམ་པ་སོ་སོའི་སྲིད་གཞུང་དང་རིགས་སོ་སོའི་མི་དམངས་ཧུར་བརྩོན་སྒོས་ཟབ་ཞུགས་དང་སེམས་ཞིད་མོས་གསོ་སྐྱོང་བྱས་འོག བཟོ་སྐྲུན་འཆར་འགོད་ཕྱོགས་ཡོངས་ནས་ལག་བསྟར་བྱས་ཏེ་བྱ་བ་སྣ་ཚོགས་བདེ་བླག་ངང་སྤེལ་བས་སྐྱེ་ཁམས་འཛུགས་སྐྲུན་ཐད་ནས་ཐོག་མའི་གྲུབ་འབྲས་མངོན།
དགའ་འོས་པའི་གྲུབ་འབྲས་དེ་ལྟ་བུ་ཞིག་བླངས་པ་ནི་དུས་ཡུན་རིང་པོར་བྱ་བ་དེ་ལ་འབད་བརྩོན་བྱེད་མཁན་གྱི་འབྲེལ་ཡོད་མི་སྣ་སྐོར་ཅིག་དང་། བློ་སེམས་རྩེ་གཅིག་གིས་གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་བྱེད་པའི་དམིགས་འབེན་ཆེན་པོ་འགོད་མཁན་གྱི་མཚོ་སྔོན་གྱི་བློ་འདྲི་མི་སྣར་ཁ་འབྲལ་ཐབས་མེད་པ་ཞིག་རེད། ཉིས་སྟོང་བཅུ་གསུམ་ལོའི་ཟླ་དང་པོར་རྒྱལ་སྲིད་སྤྱི་ཁྱབ་ཁང་གིས་གཙང་གསུམ་འབྱུང་ཡུལ་རང་བྱུང་སྲུང་སྐྱོབ་ས་ཁུལ་རྒྱལ་ཁབ་རིམ་པའི་སྲུང་སྐྱོབ་ས་ཁུལ་དུ་ཆོག་མཆན་བཀོད་ཅིང་། སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་འབུམ་གཅིག་དང་ཁྲི་ལྔ་སྟོང་གཉིས
