མཚོ་སྔོན་ཞིང་ཆེན་ཏང་ཨུའི་སྐོར་ཐེངས་གཉིས་པའི་ཏང་གི་མང་ཚོགས་ལམ་ཕྱོགས་སློབ་གསོའི་ལག་ལེན་བྱ་འགུལ་སྤེལ་བའི་བླང་བྱ་ལྟར། གྲོང་ཁྱེར་དང་ཁུལ་རྫོང་བཅས་ཀྱི་ཏང་ཨུའི་རྒྱུན་ལས་ཨུ་ཡོན་རྣམས་གཞི་རིམ་དུ་སོང་ནས། བརྟག་དཔྱད་ཞིབ་འཇུག་བྱ་བ་སྤེལ། བསྟུད་མར་ཉིན་འགར་རིམ་པ་སོ་སོའི་རྒྱུན་ལས་ཨུ་ཡོན་ཚོས་མང་ཚོགས་དང་མཉམ་དུ་ཐོན་སྐྱེད་དང་འཚོ་བའི་གནས་ཚུལ་སྐོར་གླེང་མོལ་བྱས་པ་དང་། ཁོ་ཚོའི་བསམ་འཆར་དང་གྲོས་གཞི་བསྡུ་ལེན་བྱས་ཏེ། མཉམ་དུ་གྲོས་སྡུར་བྱས་ལ། ཤུགས་ཕུད་དེ་སྤྱོད་ངན་བཞིའི་གནད་དོན་གཙོ་བོ་དང་། མང་ཚོགས་ཀྱི་ཁེ་ཕན་དངོས་ལ་ཐུག་པའི་གནད་དོན་ཐག་གཅོད་བྱས།
བྱ་འགུལ་སྤེལ་སྐབས། གྲོང་ཁྱེར་དང་ཁུལ། རྫོང་བཅས་ཀྱི་རྒྱུན་ལས་ཨུ་ཡོན་ཚོས་གནད་དོན་དག་ཐེར་ལེགས་སྒྲིག་དང་དངོས་སྒྲུབ་ནན་འཛིན། སྤྱོད་ཚུལ་ལེགས་བསྒྱུར་བཅས་ཀྱི་ཕན་འབྲས་དངོས་རྒྱུན་འཁྱོངས་བྱས་ཏེ་མང་ཚོགས་ཀྱི་ཡིད་ཆེས་ཐོབ།
བྱ་འགུལ་སྤེལ་བའི་ཚུན་ལ། མཚོ་སྔོན་ཞིང་ཆེན་གྱི་ས་ཁུལ་སོ་སོས་ལས་གཞི་སྟོང་བཞི་ཆིག་བརྒྱ་གོ་བདུན་ཞིབ་བཤེར་དག་ཐེར་བྱས་པ་དང་། ལས་གཞི་ཆིག་སྟོང་སུམ་བརྒྱ་བཅུ་གཉིས་ཆེད་དུ་ལེགས་སྒྲིག་བཅོས་སྐྱོང་བྱས། ལོ་སྔོན་མའི་དུས་མཉམ་ལས་གྲོས་ཚོགས་སུམ་སྟོང་གྱ་གཅིག་དང་ཡི
