ཉེ་བའི་ལོ་གཉིས་ཀྱི་རིང་ལ། རང་ཞིང་གིས«རིག་གནས་དང་གནས་སྐོར་མཉམ་འབྲེལ་སྒོས་གོང་དུ་སྤེལ་བའི་བྱ་བར་ཡར་སྐུལ་བྱེད་པའི་སྐོར་གྱི་བསམ་འཆར།»དང«གནས་སྐོར་དང་རིག་གནས་མཉམ་འབྲེལ་སྒོས་གོང་དུ་སྤེལ་བའི་བྱ་བར་ཡར་སྐུལ་བྱེད་པའི་བྱ་བའི་འཆར་གཞི།»སོགས་ཀྱི་སྲིད་ཇུས་དང་བྱེད་ཐབས་བཏོན་ནས་ལག་ཏུ་བསྟར་ཏེ། རིག་གནས་དང་གནས་སྐོར་མཉམ་འབྲེལ་སྒོས་གོང་དུ་སྤེལ་བ་བརྗོད་གཞི་ཡིན་པའི་ཐབས་ལམ་གསལ་བོ་བྱས་པ་དང་། ཟི་ལིང་དང་མཚོ་སྔོན་པོ། སྐུ་འབུམ་བྱམས་པ་གླིང་། ཁམས་ར། ཁྲི་ཀ ཧུའུ་ཀྲུའུ་ཧོར་རིགས་ཡུལ་སྲོལ་ར་བ་སོགས་ཀྱི་མཛེས་ལྗོངས་ཆེན་པོ་བརྒྱད་ཀྱིས་རང་ཞིང་གིAགསུམ་རིམ་པ་ཡན་གྱི་མཛེས་ལྗོངས་ས་ཁུལ་དོན་བཞི་ནས་རིག་གནས་དང་གནས་སྐོར་མཉམ་དུ་འབྲེལ་བའི་བྱ་བ་སྤེལ་བར་ཁྱོན་ཡོངས་ནས་སྣེ་ཁྲིད་པ་རྒྱུན་འཁྱོངས་བྱས། མ་དངུལ་སྒོར་དུང་ཕྱུར་གཅིག་དང་ས་ཡ་གཉིས་བཏང་ནས་བོད་ཀྱི་རིག་གནས་ཁང་དང“མེ་ཏོག་པདྨ་འདབ་བརྒྱད”རིག་གནས་གསར་གཏོད་ཐོན་ལས་ར་བ། སྟོང་སྐོར་གནའ་མཁར་སྐབས་གཉིས་པ། མེན་ཧོ་ཡུན་ལུའུ་དམངས་སྲོལ་བཤམ་སྟོན་ཁང་། འཇའ་ཚོན་ཚོ་བའི་ཧོར་རིགས་གླིང་། ཁམས་ར་རིག་གནས་གནས་སྐོར། ཁུ་ནུའི་རིག་གནས་མཛེས་ལྗོངས་ས་ཁུལ། ཁྲི་ཀའི་བོད་ཀྱི་རིག་གནས་གསར་སྐྲུན