ལོ་བཞི་ཡི་སྔོན་དུ། ཡུས་ཧྲུའུ་ས་འགུལ་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་བྱ་བ་ཕྱོགས་ཡོངས་ནས་མགོ་རྩོམ་པའི་སྐབས་སུ། «མཚོ་སྔོན་ཉིན་རེའི་ཚགས་པར»ཁང་གི་གསར་འགོད་པས་ཆེད་དུ་ཡུས་ཧྲུའུ་ས་འགུལ་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་ལས་གཞི་ལ་ཇུས་འགོད་བྱེད་མཁན་གྱི་རྒྱལ་ཡོངས་ཀྱི་བཟོ་སྐྲུན་ཇུས་འགོད་མཁན་སྐོར་ཞིག་ལ་བཅར་འདྲི་བྱས། ལོ་བཞི་ཡི་རྗེས་སུ། བཟོ་སྐྲུན་གཙོ་བོ་དག་གཙང་གསུམ་འབྱུང་ཡུལ་དུ་ལྷིང་ངེར་འགྱིངས་ཤིང་སྐབས་དེར་གསར་འགོད་པས་ཡང་བསྐྱར་བཟོ་སྐྲུན་ཇུས་འགོད་མཁན་འགའ་ལ་བཅར་འདྲི་བྱེད་དུས་ཁོ་ཚོས་ཡུས་ཧྲུའུ་ཡི་རི་ཆུ་དང་ཡུལ་ཤུལ་མི་དམངས་ལ་བཅངས་པའི་བརྩེ་བ་དེ་རྟོགས་ཐུབ་པར་མ་ཟད། ཡུས་ཧྲུའུ་ས་འགུལ་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་བྱ་བའི་ཐད་བཟུང་བའི་ཐུན་མོང་གི་འདོར་ཐབས་མེད་པའི་འགན་འཁྲིའི་འདུ་ཤེས་སོགས་གསལ་བོར་རྟོགས།
བསམ་བློ་ནི་འཇིག་རྟེན་སྟེང་ཆེས་མཛེས་པའི་མེ་ཏོག་རྐང་གཅིག་ཡིན། མི་ཚེ་རྟེན་འབྱུང་ཡི་འབྲེལ་བ་ལས་ཡུས་ཧྲུའུ་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་བྱ་བར་ཞུགས་པ་ནི་མཐོ་རིམ་བཟོ་སྐྲུན་ཇུས་འགོད་མཁན་འདི་དག་ལ་མཚོན་ན་གཟི་བརྗིད་ཅིག་ཏུ་བརྩི་བཞིན་ཡོད། ཁོ་ཚོར་འབྲེལ་འདྲིས་བྱས་པ་བརྒྱུད་ནས་ཡུ