ཏང་གི་གཞི་རིམ་རྩ་འཛུགས་འཛུགས་སྐྲུན་ནི་ཏང་གི་བྱ་བ་ཡོངས་དང་འཐབ་འཛིང་ནུས་པའི་རྨང་གཞི། མང་ཚོགས་ལ་མཐུན་སྒྲིལ་དང་སྣེ་ཁྲིད་དེ་ཏང་གི་རིགས་པའི་གཞུང་ལུགས་དང་ལམ་ཕྱོགས། བྱེད་ཕྱོགས། སྲིད་ཇུས་བཅས་དངོས་འབེབས་བྱེད་པ་དང་། ཏང་གི་ལས་འགན་དངོས་འབེབས་བྱེད་པའི་འཐབ་འཛིང་གི་བཙན་རྫོང་ལྟ་བུ་ཡིན། དུས་ཡུན་རིང་བོར་འཕེལ་རྒྱས་ལ་སྐུལ་འདེད་དང་མང་ཚོགས་ལ་ཞབས་ཞུ། མི་སེམས་གཅིག་སྒྲིལ། འཆམ་མཐུན་ལ་སྐུལ་འདེད་བྱེད་པ་བཅས་ཀྱི་ཁྲོད་ནུས་པ་གལ་ཆེན་ཐོན་ཡོད། གནས་བབ་གསར་བའི་འོག་གཞི་རིམ་ཏང་རྩ་འཛུགས་ཀྱིས་མང་ཚོགས་ལ་ཞབས་འདེགས་ཞུ་བ་དང་མང་ཚོགས་ཀྱི་བྱ་བ་སྒྲུབ་པའི་ལས་འགན་སྔར་ལས་ལྕི་བས། འདིས་གཞི་རིམ་ཏང་རྩ་འཛུགས་ཀྱི་ཞབས་ཞུའི་ནུས་པ་ཇེ་དྲག་ཏུ་གཏོང་བར་བླང་བྱ་གསར་བ་བཏོན་ཡོད། ཏང་གི་འཐུས་མི་ཚོགས་ཆེན་ཐེངས་བཅོ་བརྒྱད་པའི་སྟེང་གཞི་རིམ་གྱི་ཏང་རྩ་འཛུགས་བྱ་བ་གསར་སྐྲུན་བྱས་ནས། གཞི་རིམ་གྱི་ཞབས་ཞུ་ཅན་གྱི་ཏང་རྩ་འཛུགས་འཛུགས་སྐྲུན་གྱི་བཀོད་སྒྲིག་གལ་ཆེན་ལ་ཤུགས་སྣོན་བྱེད་དགོས་པ་གསལ་བོར་བསྟན། ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྟེང་གཞི་རིམ་ཏང་རྩ་འཛུགས་ཀྱི་འཐབ་འཛིང་གི་བཙན་རྫོང་ལྟ་བུའི་ནུས་པ་འདོན་སྤེལ་གང་ལེགས་བྱས་ཏེ། ཁྱོན་ཡོངས་ནས་བཅོས་ས
