རྫ་ཆུའི་འགྲམ་གཉིས་ཀྱི་རྫ་རི་མཐོན་པོའི་ཁོངས་གསེང་དུ། ཏང་ཡོན་ལས་བྱེད་པས་རོང་འབྲོག་མང་ཚོགས་ལ་རོགས་སྐྱོར་བྱས་པའི་མི་སེམས་འགུལ་བའི་གཏམ་རྒྱུད་ག་ས་གང་དུ་ཁྱབ་ཡོད། ས་གནས་དེ་གའི་མི་རྣམས་ཀྱིས་དོན་དག་དེ་རྣམས་བརྗོད་སྐབས་གཏམ་རྒྱུད་དེ་དག་ནི་ཧ་ཅང་སྤྱིར་བཏང་ཡིན་མོད། འོན་ཀྱང་། ང་ཚོ་ཕྱི་ནས་ཡོང་བའི་མི་རྣམས་ཀྱིས་ཉན་ན་གནས་དེ་ནས་བྱུང་བའི་གཏམ་རྒྱུད་དེ་དག་ནི་ཅི་འདྲའི་སེམས་འགུལ་ཐེབས་པ་ཞིག་རེད་ཨང་།
ཟླ་གསུམ་པའི་ཟླ་དཀྱིལ་ཞིག་ལ། རང་ཞིང་གི་ལྷོ་ཕྱོགས་སུ་གནས་པའི་ནང་ཆེན་རྫོང་དུ་ད་དུང་ཁ་བ་འབབ་ཀྱིན་ཡོད་ལ། ལམ་དུ་བགྲོད་དཀའ་བ་ཞིག་རེད།
སྐབས་དེ་ནི་ཀ་གཞུང་ཞང་མི་རིགས་བཅའ་སྡོད་སློབ་གྲྭ་སློབ་མགོ་ཚུགས་པའི་ཉིན་རེད། རྨེ་སྨད་དང་རྨེ་སྟོད་སྡེ་བ་གཉིས་ཀྱི་སློབ་མ་བརྒྱ་དང་ལྔ་སློབ་གྲྭ་འགྲོ་བར་ངེས་པར་དུ་བརྒྱུད་དགོས་པའི་ལམ་ཡིན་ལ། མཚོ་ངོས་ལས་མུས་ལྔ་སྟོང་བཞི་བརྒྱ་ཡོད་པའི་ཀ་ལ་རི་བོ་ཁངས་ཆེན་བབས་ནས་ལམ་བཀག་སྟེ་བགྲོད་དཀའ་བ་ཞིག་རེད། ཞང་གི་མགོ་ཁྲིད་ཀྱིས་གནས་ཚུལ་དེ་ཐོས་རྗེས། མྱུར་དུ་ཞང་ཡོངས་ཀྱི་ཏང་ཡོན་ལས་བྱེད་པ་དང་སློབ་གྲྭའི་དགེ་རྒན་སོ་གཉིས་རྩ་འཛུགས་བྱས་ཏེ། སློབ་མ་སྣེ་ལེན་བྱེད་པའི་བྱ་བ་ཚན་ཁག་བཙུགས་པ་དང་། ཧྲུའུ་ཅི་དང་ཞང་ཀྲང་གཉིས་ཀྱིས་
