ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྟེང་སྐྱེ་ཁམས་དཔལ་ཡོན་ལམ་ལུགས་ཀྱི་མ་ལག་བཙུགས་ཏེ། རྩ་བ་ནས་སྐྱེ་ཁམས་ཁོར་ཡུག་སྲུང་སྐྱོབ་བྱེད་པའི་བཀོད་སྒྲིག་གལ་ཆེན་བྱས། མཚོ་སྔོན་ནི་རྨ་འབྲི་རྫ་གསུམ་འབྱུང་ཡུལ་དུ་ཆགས་ཡོད་ཅིང་། “ཀྲུང་ཧྭའི་ཆུ་མཛོད”ཀྱི་མཚན་སྙན་ཡོད། རྒྱལ་ཁབ་བདེ་འཇགས་སྐྱེ་ཁམས་སྲུང་ཡོལ་བསྐྲུན་པའི་ཁྲོད་ལོ་རྒྱུས་ཀྱི་འགན་འཁྲི་ཆེན་པོ་ཕྲག་ཏུ་བཞེས་ཡོད། ད་ལོའི་ཟླ་དྲུག་པའི་ཚེས་ཉེར་ལྔ་ཉིན། མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས«མཚོ་སྔོན་ཞིང་ཆེན་གྱི་སྐྱེ་ཁམས་དཔལ་ཡོན་ལམ་ལུགས་འཛུགས་སྐྲུན་བྱེད་པའི་སྤྱི་ཁོག་འཆར་གཞི།»འགྲེམ་སྤེལ་བྱས། འཆར་གཞི་འདི་ལས་མཚོ་སྔོན་ཞིང་ཆེན་གྱི་སྐྱེ་ཁམས་དཔལ་ཡོན་ལམ་ལུགས་འཛུགས་སྐྲུན་བྱེད་པའི་སྤྱི་ཁོག་བླང་བྱ་དང་གཞི་རྩའི་རྩ་དོན་གཏན་ཁེལ་བྱས་ཏེ། མཚོ་སྔོན་ཞིང་ཆེན་གྱི་སྐྱེ་ཁམས་དཔལ་ཡོན་ལམ་ལུགས་འཛུགས་སྐྲུན་བྱེད་པའི་ཁྱབ་ཁོངས་གལ་ཆེན་དང་ལས་འགན་གཙོ་བོ་དག་གསལ་བོར་བསྟན་ཡོད་པ་དང་། མཚོ་སྔོན་ཞིང་ཆེན་གྱི་སྐྱེ་ཁམས་དཔལ་ཡོན་ལམ་ལུགས་འཛུགས་སྐྲུན་བྱེད་པའི་བཅོས་སྒྱུར་ནུས་ཡོད་དང་གོ་རིམ་ལྡན་པའི་སྒོ་ནས་སྤེལ་བར་སྐུལ་འདེད་བྱེད་པའི་འགན་སྲུང་བྱེད་ཐབས་གས