ང་ཚོར་ཅི་ཞིག་མེད་རུང་ནད་ཕོག་མི་ཉན། ང་ལ་སྔོན་ཆད་ནད་ཕོག་པའི་རྐྱེན་གྱིས་ཁྱིམ་ཚང་གི་འཚོ་བ་དངོས་གནས་རོལ་དཀའ་བ་རེད་ཅེས་ལོ་བཅུའི་སྔོན་དུ་ཟི་ལིང་གྲོང་ཁྱེར་མཁར་བྱང་ཆུས་ཏ་པུའུ་ཙི་གྲོང་རྡལ་དུ་སྡོད་པའི་ཁྲིན་ཞའོ་ལན་ལ་སྙིང་ནད་དང་སྒལ་ཚིགས་སྐྱེ་བའི་ནད་བྱུང་ནས། ལོ་གཅིག་གི་ནང་ལ་སྨན་རིན་སྒོར་ཁྲི་ལྷག་དགོས་པས། ཁྲིན་ཞའོ་ལན་ཐབས་ཟད་འུ་ཐུག་ཏུ་གྱུར།
དེང་སྐབས་ཁྲིན་ཞའོ་ལན་གྱིས་སྨན་རིན་ཐད་ལ་དེ་འདྲའི་སེམས་ཁུར་བྱ་མི་དགོས། ཁོ་མོས་བཤད་རྒྱུར། ད་སྐབས་སྨན་རིན་དང་ནད་སྟོན་པར་སྔོན་ཆད་དང་བསྡུར་ན་སྟབས་བདེ་བས། ན་ཚ་འདྲ་བྱུང་ཚེ་མྱུར་དུ་སྨན་ཁང་ལ་སྟོན་ཐུབ། ཁོ་མོས་རྩིས་བརྒྱབ་པ་ལྟར་ན། ཞིང་སྡེའི་སྨན་བཅོས་ལམ་ལུགས་གསར་བས་སྨན་རིན་ཁག་ཅིག་རྩིས་ཞུ་བྱེད་ཀྱིན་ཡོད་པས། ལོ་གཅིག་གི་ནང་ལ་སྨན་རིན་སྒོར་ཉིས་སྟོང་སུམ་སྟོང་ཙམ་གྱིས་ཆོག
ཁྲིན་ཞའོ་ལན་ནི་རང་ཞིང་གི་སྨན་བཅོས་ལམ་ལུགས་བཅོས་བསྒྱུར་ལས་ཕན་ཁེ་རེག་མཁན་ནང་གི་གཅིག་རེད། སྨན་བཅོས་ལམ་ལུགས་བཅོས་བསྒྱུར་གསར་བ་ལག་ཏུ་བསྟར་བའི་ཚུན་དུ། རང་ཞིང་གིས་སྔ་གཞུག་ཏུ་ཆ་སྡེབ་ཡིག་ཆ་དྲུག་ཅུ་ལྷག་གཏན་འབེབས་བྱས་ནས་སྤེལ་བ་དང་། སྔ་ཕྱི་སྡེབ་རྩིས་བྱས་ན་མ་དངུལ་སྒོར་དུང་ཕྱུར་ཉིས་བརྒྱ་བཅུ་གསུམ་ལྷག་བཏང་། རྒྱལ་ཁབ་ཀྱ
