དེང་རབས་ཞིང་ཕྱུགས་ལས་དཔེ་སྟོན་ས་ཁུལ་འཛུགས་སྐྲུན་བྱེད་པ་ནི་མཚོ་སྔོན་ཞིང་ཆེན་གྱི་ཞིང་ཕྱུགས་ལས་ཀྱི་རིམ་གྲས་སྤོ་སྒྱུར་གོམ་སྟབས་ཇེ་མགྱོགས་སུ་གཏོང་བ་དང་། ཞིང་ཕྱུགས་ལས་ཀྱི་དེང་རབས་ཅན་ལ་སྐུལ་འདེད་བྱས་ཏེ། སྐྱེ་ཁམས་བདེ་འཇགས་ཀྱི་མཐོ་སྒང་གི་ཁྱད་ཆོས་དང་མཚོ་སྔོན་གྱི་ཁྱད་ཆོས་ལྡན་པའི་དེང་རབས་ཞིང་ཕྱུགས་ལས་འཛུགས་སྐྲུན་ཇེ་མགྱོགས་སུ་གཏོང་བའི་བྱེད་ཐབས་གལ་ཆེན་ཞིག་ཡིན། དེར་བརྟེན་གསར་འགོད་པས་མཚོ་སྔོན་ཞིང་ཆེན་གྱི་དེང་རབས་ཞིང་ཕྱུགས་ལས་དཔེ་སྟོན་ས་ཁུལ་འཕེལ་རྒྱས་ཀྱི་ད་ཡོད་གནས་ཚུལ་དང་བྱེད་ཐབས་གཙོ་བོ། བླངས་ཟིན་པའི་གྲུབ་འབྲས། དེ་མིན་ཕྱིན་ཆད་འཛུགས་སྐྲུན་བྱེད་པའི་སྤྱིའི་དམིགས་འབེན་དང་ལས་འགན་གཙོ་བོ། སྲིད་ཇུས་དང་བྱེད་ཐབས་སོགས་ཀྱི་ཐད་ནས་ཞིང་ཆེན་ཞིང་ཕྱུགས་ཐིན་གྱི་ཐིན་ཀྲང་ཀྲང་ཧོང་ཡོན་ལ་བཅར་འདྲི་བྱས།
ཀྲང་ཧོང་ཡོན་གྱིས་གསར་འགོད་པར་བཤད་རྒྱུར། ཉེ་བའི་ལོ་འདི་འགར། མཚོ་སྔོན་ཞིང་ཆེན་གྱིས་མཐོ་སྒང་གི་ནམ་ཟླའི་ཁྱད་ཆོས་ལྟར། ལྷད་མེད་དང་སྐྱེ་ལྡན་གྱི་ཁྱད་ལྡན་ཐོན་རྫས་གཙོར་བཟུང་ཏེ་འཛམ་གླིང་གི་ནོར་ནག་དང་ཀྲུང་གོའི་འབྲོག་ལུག་གི་ཕ་ས་འཛུགས་སྐྲུན་བྱས་ཤིང་། ཤུགས་ཕུད་དེ་རྨ་ཙོང་ཆུ་བོའི་འབབ་རྒྱུད་ཀྱི་ཁྱད་ལྡན་ཞིང་ཕྱུགས་ལས་འཛུགས་སྐྲུན་དང
