ཡུས་ཧྲུའུ་བོད་རིགས་རང་སྐྱོང་ཁུལ་ནང་ཆེན་རྫོང་གིས་ནུས་ཤུགས་ཡོད་རྒུ་བཏོན་ཏེ་རྫ་སྟོད་རྒྱུད་ཀྱི་སྐྱེ་ཁམས་ཁོར་ཡུག་སྲུང་སྐྱོང་བཟང་བོ་བྱས་པ་དང་མཉམ་དུ། རྫོང་ཡོངས་ཀྱི་རོང་འབྲོག་པ་མང་ཚོགས་ཀྱི་ཐོན་སྐྱེད་དང་འཚོ་བའི་དཀའ་སྡུག་གང་ནུས་ཅི་ལྕོགས་ཀྱིས་བསལ་བ་དང་། དམངས་ལ་དོན་དངོས་བཅུ་བསྒྲུབ་རྒྱུ་ཁས་བླངས།
ནང་ཆེན་རྫོང་ནི་རྫ་ཆུའི་བཞུར་རྒྱུན་དུ་གནས་པས་སྐྱེ་ཁམས་གོ་གནས་གལ་ཆེན་ཡིན་པ་དང་། དམངས་འཚོ་ཇེ་ལེགས་སུ་གཏོང་བའི་འགན་ཁུར་ཧ་ཅང་ལྗིད། དེའི་རྐྱེན་གྱིས་རྫོང་ཡོངས་སུ“སྐྱེ་ཁམས་སྲུང་སྐྱོང་བྱེད་པ་དང་དམངས་འཚོ་ཇེ་ལེགས་སུ་གཏོང་བ”ལས་འགན་དུ་བརྩིས་ཏེ། “གྲུབ་ཚུལ་ལེགས་སྒྲིག་བྱེད་པ་དང་ཡོང་འཕར་བརྟན་བརླིང་བྱེད་པ། དམངས་འཚོར་སྐུལ་འདེད་གཏོང་བ”བཅས་ཀྱི་སྒྲུབ་ཕྱོགས་གཙོ་བོ་དང་དམ་པོར་སྦྲེལ་ནས། དོན་དངོས་བཅུ་བསྒྲུབ་རྒྱུ་རེད།
ལོ་གཅིག་ལྷག་གི་རིང་ལ། སློབ་གསོར་མ་དངུལ་གཏོང་ཤུགས་ཇེ་ཆེར་བཏང་བ་སྟེ། མ་དངུལ་སྒོར་དུང་ཕྱུར་གཅིག་དང་བྱེ་བ་གཉིས་ས་ཡ་བརྒྱད་བཏང་ནས་སྤྱིའི་འཛུགས་སྐྲུན་གྱི་རྒྱ་ཁྱོན་ལ་མུས་གྲུ་བཞི་མ་ལྔ་སྟོང་ཉིས་བརྒྱ་གོ་ལྔ་ཡོད་པའི་སློབ་གྲྭ་ཆུང་འབྲིང་ཉེར་བཞི་ཚད་ལྡན་གྱི་འཛུགས་སྐྲུན་ལས་གཞི་དང་། མུས་གྲུ་བཞི་མ་
