དབྱར་ཁའི་ཉིན་ཞིག་ལ། གསར་འགོད་པ་ཅང་ཤེས་ཁུག་ཞང་རྨོག་རུ་སྡེ་བའི་ཏང་ཡོན་བྱ་འགུལ་ཁང་དུ་ཐོན་པ་ན། སྣ་ལམ་དུ་དྲི་མ་ཞིམ་པོ་ཞིག་འཐུལ་ཡོང་བ་དང་། ཀྲུང་གོའི་ཟས་རིགས་གཡོས་སྦྱོར་བྱེད་པའི་རྩལ་ནུས་གསོ་སྦྱོང་བྱ་བ་སྤེལ་བ་དེས་སྡེ་བའི་བུད་མེད་རྣམས་ཀྱི་སློབ་སྦྱོང་བྱེད་འདོད་ཀྱི་འདུན་མར་སྐུལ་སློང་བྱས་ཏེ། ཁོ་ཚོ་མཚོ་ལྷོ་བོད་རིགས་རང་སྐྱོང་ཁུལ་བུད་མེད་མཉམ་འབྲེལ་ལྷན་ཚོགས་ཀྱིས་བསྒྲུབས་པའི“ཟས་རིགས་གཡོས་སྦྱོར་གྱི་སྟོང་མིའི་གསོ་སྦྱོང་འཆར་གཞིའི”ནང་དུ་ཞུགས།
ཏག་ཏག་གུང་ཧོ་རྫོང་གི་འབྲོག་ཁུལ་ནས་ཟས་རིགས་གཡོས་སྦྱོར་གསོ་སྦྱོང་ལ་ཞུགས་ཚར་བའི་སྒྲོལ་མ་མཚོས་དགའ་སྤྲོའི་ངང་ནས་བཤད་རྒྱུར། སྔོན་ཆད་རང་གིས་སྒོར་མོ་བཀོལ་ནས་ཟས་རིགས་གཡོས་སྦྱོར་བྱེད་འདོད་ཀྱང་དུས་ཚོད་དང་གོ་སྐབས་མེད་པ་དང་། ད་ལྟ་རང་ཁྱིམ་གྱི་སྒོ་ཁ་ནས་ཟས་རིགས་གཡོས་སྦྱོར་བྱེད་པའི་ལག་རྩལ་སྦྱང་ཆོག་ལ་རིན་ཡང་མི་དགོས་པས། དོན་འདི་ཧ་ཅང་བཟང་བོ་ཞིག་རེད་ཟེར།
ད་ལོར། མཚོ་ལྷོ་བོད་རིགས་རང་སྐྱོང་ཁུལ་བུད་མེད་མཉམ་འབྲེལ་ལྷན་ཚོགས་དང་ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའུ་ཡིས་ནན་ཏན་སྒོས་མཚོ་ལྷོ་བོད་རིགས་རང་སྐྱོང་ཁུལ་གྱི2014ལོའི་རོང་འབྲོག་ཁུལ་གྱི་བུད་མེད་ཀྱིས་ཟས་ར
