ཤེས་གསལ་ལྟར་ན། ད་ལོའི་ལོ་སྟོད་དུ་ཀྲུང་དབྱང་དང་ཞིང་ཆེན་གྱི་ཞིང་དར་ཞིང་ཕན། ཞིང་ཕྱུག་སྲིད་ཇུས་ཀྱི་རྒྱབ་སྐྱོར་བྱེད་ཤུགས་སྔར་བས་ཇེ་ཆེར་གཏོང་བ་དང་། རོང་འབྲོག་ས་ཁུལ་གྱི་ས་ཞིང་དང་རྩྭ་རའི་ཚོང་གཉེར་འཁོར་རྒྱུག་གི་གཞི་ཁྱོན་སྔར་བས་ཇེ་ཆེར་འཕར་བའི་དབང་གིས། རོང་འབྲོག་པའི་རྒྱུ་ནོར་རང་བཞིན་དང་སྤོ་སྒྱུར་རང་བཞིན་གྱི་ཡོང་སྒོ་བསྟུད་མར་འཕར། ཞིང་ཕྱུགས་ཐོན་རྫས་མང་པོའི་རིན་གོང་བསྟུད་མར་ཐེ་མཐོར་འཕར་བས། ཞིང་སྡེའི་རྒྱུན་སྡོད་སྡོད་དམངས་ཀྱི་མི་རེའི་བཀོལ་སྤྱོད་ཆོད་པའི་ཆ་སྙོམས་ཡོང་སྒོ་སྔོན་ལོའི་དུས་མཉམ་ལས་བརྒྱ་ཆའི་བཅུ་བཞི་འཕར་བ་དང་། འཕར་ཚད་རྒྱལ་ཡོངས་ཀྱི་ཨང་གསུམ་པར་གྱུར།
ཞིང་ཆེན་ཏང་ཨུའི་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་ལྔ་པའི་སྟེང་བསྟན་དོན། མཐོ་སྒང་གི་དེང་རབས་ཞིང་ཕྱུགས་ལས་འཕེལ་རྒྱས་ཀྱི་ཁ་ཕྱོགས་རྒྱུན་འཁྱོངས་དང་ཞིང་སྡེའི་གཞི་རྩའི་ཚོང་གཉེར་ལམ་ལུགས་རྒྱུན་འཁྱོངས་བྱས་ཏེ། འབྲུ་རིགས་ཐོན་ཚད་བརྟན་སྲུང་དང་། ཚོད་སླེའི་ཆུ་ཚད་ཇེ་མཐོར་གཏོང་བ། རོང་འབྲོག་པའི་ཡོང་འཕར་ལ་སྐུལ་འདེད་བྱེད་པ་བཅས་དམིགས་འབེན་གཙོ་བོར་བརྩིས་ཏེ། ཞིང་དར་དང་ཞིང་ཕན། ཞིང་ཕྱུག་བཅས་ཀྱི་སྲིད་ཇུས་ཤུགས་ཚད་བསྟུད་མར་ཇེ་དྲག་ཏུ་གཏོང་བ་དང་། རོང་འབྲོག་ས་ཁུལ་ག
