དབྱར་གཞུང་དུ་གསར་འགོད་པ“རྨ་ཆུ་འབྱུང་ཡུལ་གྱི་རྫོང་དང་པོ”ཞེས་པའི་མཚན་སྙན་ཡོད་པའི་མགོ་ལོག་བོད་རིགས་རང་སྐྱོང་ཁུལ་རྨ་སྟོད་རྫོང་དུ་སོང་བ་ན། རྨ་ཆུའི་འབྱུང་ཡུལ་གྱི་མཚོ་སྐྱ་རེངས་དང་སྔོ་རེངས་གཉིས་གནམ་ས་གཅིག་ཏུ་འདྲེས་པ་ལྟ་བུར་སྣང་བ་དང་། མཚོ་ངོས་སུ་ཆུ་བྱ་རྩེད་མོར་རོལ་ཅིང་། ནོར་ལུག་གིས་སོས་དལ་བག་ཕེབས་ངང་ངང་མཚོ་འགྲམ་དུ་ཆུ་འཐུང་བཞིན་འདུག

རྨ་འབྲི་རྫ་གསུམ་རང་བྱུང་སྲུང་སྐྱོང་ཁུལ་དེ་མཚོ་བོད་མཐོ་སྒང་གི་དབུས་ཁུལ་དུ་ཡོད་ལ། སྤྱིའི་རྒྱ་ཁྱོན་ལ་མུས་གྲུ་བཞི་མ་འབུམ་གསུམ་དང་ཁྲི་དགུ་ལྷག་ཡོད་པས། དེ་ནི་ཀྲུང་གོ་དང་ཡང་ན་གླིང་ཆེན་ཨ་ཤེ་ཡའི་སྐྱེ་ཁམས་འགོག་དངོས་དང་ཆུ་ཁུངས་བསྐྱིལ་གསོག་ཁུལ་གལ་ཆེན་ཞིག་ཡིན་ལ། འཛམ་གླིང་སྟེང་མཚོ་ངོས་ལས་ཆེས་མཐོ་བ་དང་རྒྱ་ཁྱོན་ཆེས་ཆེ་བ། ཆུ་བོ་དང་མཚེའུ་ཆེས་མང་བའི་ས་ཁུལ་ཞིག་ཀྱང་ཡིན་པས། “ཀྲུང་ཧྭའི་ཆུ་མཛོད”རུ་གྲགས་པ་རེད།

རྨ་སྟོད་རྫོང་དུ་མཚོ་དང་མཚེའུ་ཆེ་ཆུང4077ཡོད་པས། “མཚོ་མཚེའུ་སྟོང་ཡོད་པའི་རྫོང”ཞེས་གྲགས་བཞིན་འདུག དུས་རབས་སྔོན་མའི་ལོ་རབས90པ་ནས་བཟུང་། ཕྱུགས་འཚོ་དྲགས་པ་སོགས་ཀྱི་རྐྱེན་གྱིས་ས་དེའི་མཚོ་དང་མཚེའུ་མང་པོ་སྐམ་སོང་། 2004ལོར་ཐོན་དུས་མཚོ་དང་མཚེའ