ཞིང་ཕྱུགས་ལས་བྱ་བ་དངོས་འབེབས་དམ་འཛིན་བྱེད་བཞིན་པའི་སྐབས་འདིར། རང་ཞིང་གིས་མགོ་ལོག་བོད་རིགས་རང་སྐྱོང་ཁུལ་ནས་མཚོ་སྔོན་ལྷོ་རྒྱུད་ས་ཁུལ་དུ་སྐྱེ་ཁམས་ཕྱུགས་ལས་ཀྱི་ཡུལ་དངོས་ལྟ་སྦྱོང་སྐུལ་འདེད་ཚོགས་འདུ་བསྡུས་པ་དང་། ཚོགས་འདུར་ཞུགས་པའི་འཐུས་མིས་ཡུལ་དངོས་ནས་དར་ལག་རྫོང་དང་དགའ་བདེ་རྫོང་གི་སྐྱེ་ཁམས་ཕྱུགས་ལས་མཉམ་ལས་ཁང་འགའ་ལ་ལྟ་སྦྱོང་བྱས་ཤིང་། ཉེ་བའི་ལོ་འགར་མཚོ་སྔོན་ལྷོ་རྒྱུད་ཀྱི་ཁུལ་གསུམ་གྱིས་སྐྱེ་ཁམས་ཕྱུགས་ལས་གོང་དུ་སྤེལ་བའི་ཐད་དགའ་འོས་པའི་གྲུབ་འབྲས་བླངས་ཡོད་པ་མིག་མཐོང་བྱུང་།
མཚོ་སྔོན་ལྷོ་རྒྱུད་ཀྱི་ཁུལ་གསུམ་པོའི་རྩྭ་ཐང་གི་སྤྱིའི་རྒྱ་ཁྱོན་ལ་མུའུ་དུང་ཕྱུར་གཉིས་དང་བྱེ་བ་བརྒྱད་ལྷག་ཡོད་པ་དང་། ཞིང་ཆེན་ཡོངས་ཀྱི་རྩྭ་ཐང་གི་སྤྱིའི་རྒྱ་ཁྱོན་གྱི་བརྒྱ་ཆའི་ང་གཉིས་ལྷག་ཟིན། ཕྱུགས་ཟོག་གི་གྲངས་ཀ་ས་ཡ་ལྔ་དང་འབུམ་དྲུག་ཁྲི་ལྔ་ལྷག་ཡོད་པ་དང་། དེས་ཞིང་ཆེན་ཡོངས་ཀྱི་ཕྱུགས་ཟོག་སྤྱི་འབོར་གྱི་ཕལ་ཆེར་བརྒྱ་ཆའི་སུམ་ཅུ་ཟིན། དེ་བས། སྐྱེ་ཁམས་ཀྱི་གོ་གནས་དང་རྩྭ་ཐང་གི་གོ་གནས། ཕྱུགས་ཟོག་གི་གྲངས་ཀ་བཅས་ཕྱོགས་གང་ནས་བལྟས་ཀྱང་ཞིང་ཆེན་ཡོངས་ཀྱི་སྐྱེ་ཁམས་ཕྱུགས་ལས་འཕེལ་རྒྱས་ཁྲོད་ནུས་པ་བླ་ལྷག་ཐོན་ཡོད།
ཉེ་བའི་ལོ་འགར། མཚོ་སྔོན་ལྷོ་ར
