གཟན་རྩྭའི་ཐོན་ལས་ནི་ཕྱུགས་ལས་འཕེལ་རྒྱས་ཀྱི་གཞི་རྩའི་ཁག་ཐེག་དང་། རོང་འབྲོག་མང་ཚོགས་ཀྱི་ཡོང་སྒོ་འཕར་སྣོན་གཏོང་བྱེད་ཀྱི་ཐབས་ལམ་གལ་ཆེན་ཞིག་དང་། འབྲོག་ཁུལ་གྱི་རྒྱུན་མཐུད་འཕེལ་རྒྱས་ཀྱི་གནད་འགག་ཅིག་རེད། ཤུགས་ཆེན་པོའི་སྒོ་ནས་གཟན་རྩྭའི་ཐོན་ལས་འཕེལ་རྒྱས་སུ་གཏོང་རྒྱུ་དེ་ནི་ཕྱུགས་ལས་ཐོན་སྐྱེད་ཆ་རྐྱེན་ལེགས་བཅོས་བྱེད་པ་དང་། གཟན་རྩྭའི་གསོ་སྤེལ་རྒྱ་སྐྱེད་དུ་གཏོང་བ། ཕྱུགས་ལས་ཐོན་སྐྱེད་རྣམ་པའི་ཁ་ཕྱོགས་བསྒྱུར་བར་ཡར་སྐུལ་བྱེད་པ། ཕྱུགས་ལས་ཀྱི་ཕྱོགས་བསྡུས་ཐོན་སྐྱེད་ནུས་པ་ཇེ་མཐོར་གཏོང་བ། ཕྱུགས་ལས་ཐོན་རྫས་འཕར་སྣོན་བྱེད་པའི་ཐད་ལ་ཕུལ་བའི་དངོས་རྫས་ཀྱི་འགན་སྲུང་ཅིག་རེད།
ཉེ་བའི་ལོ་འགའི་རིང་ལ། མཚོ་སྔོན་གྱི་དམིགས་བསལ་སྐྱེ་ཁམས་གནས་བབ་དང་འབྲོག་ཁུལ་གྱི་ཕྱུགས་ལས་འཕེལ་རྒྱས་ཀྱི་མདུན་དུ་ལྷགས་པའི་གནས་བབ་ཚབས་ཆེན་ལ་དམིགས་ཏེ། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཞིང་ཆེན་གྱི་གནས་ཚུལ་ལ་རྐང་བཙུགས་ཏེ། སྐྱེ་ཁམས་ཀྱིས་ཞིང་ཆེན་སྐྱོང་བའི་འཐབ་ཕྱོགས་ལ་ཡར་སྐུལ་བྱེད་པ་དང་ཟུང་འབྲེལ་བྱས་ཏེ། ཕྱུགས་འཚོ་མཚམས་བཞག་ཡང་གསོ་མཚམས་མི་འཇོག་པ་དང་། ཕྱུགས་ཟོག་ཇེ་ཉུང་དུ་བཏང་ཡང་ཐོན་སྐྱེད་བྱེད་ཤུགས་ཇེ་ཉུང་དུ་མི་གཏོང་བའི་སྔོན་འགྲོའི་ཆ་རྐྱེན་འོག་ཏ
