ཕྱུགས་ལས་ཀྱི་ཞིང་ཆེན་ཆེན་པོ་ཞིག་ཡིན་པའི་ཆ་ནས། སྲོག་ཆགས་ཀྱི་རིམས་ནད་འགོག་བཅོས་ཚོད་འཛིན་དང་། ཕྱུགས་ལས་ཐོན་སྐྱེད་བདེ་འཇགས་ཡོང་བར་ཁག་ཐེག་བྱེད་པ་དེས་མཚོ་སྔོན་གྱི་ཕྱུགས་ལས་འཕེལ་རྒྱས་ཁྲོད་ནུས་པ་ཧ་ཅང་གལ་ཆེན་བཏོན་དང་འདོན་བཞིན་ཡོད། ཉེ་བའི་ལོ་འགར། ཞིང་ཆེན་ཡོངས་ཀྱི་རིམ་པ་སོ་སོའི་ཕྱུགས་སྨན་ལས་ཁུངས་ཀྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཇུས་ཆོད་བཀོད་སྒྲིག་དང་། ཞིང་ཆེན་ཞིང་ཕྱུགས་ལས་བྱ་བའི་གྲོས་ཚོགས། ཞིང་ཆེན་ཡོངས་ཀྱི་སྲོག་ཆགས་ཆེ་རིགས་ཀྱི་རིམས་ནད་འགོག་བཅོས་དང་ཚོད་འཛིན་བྱ་བའི་གྲོས་ཚོགས་སོགས་ཀྱི་དགོངས་དོན་ནན་ཏན་གྱིས་ལག་ལེན་མཐར་ཕྱིན་བྱས་པ་དང་། “ས་ཁོངས་རང་བཞིན་གྱི་སྲོག་ཆགས་རིམས་ནད་ཆེ་རིགས་མི་འབྱུང་བར་ཧུར་བརྩོན་གྱིས་ཁག་ཐེག་དང་། ཕྱུགས་ལས་ཐོན་རྫས་ཀྱི་སྤུས་ཀའི་བདེ་འཇགས་ཐད་ནས་དོན་རྐྱེན་ཆེན་པོ་མི་འབྱུང་བར་ཧུར་བརྩོན་གྱིས་ཁག་ཐེག་བྱེད་པའི”དམིགས་འབེན་དང་ལས་འགན་ལ་དམ་པོར་དམིགས་ཏེ། ཕྱུགས་སྨན་སྒྲིག་སྲོལ་བཅོས་བསྒྱུར་གཏིང་ཟབ་ཏུ་གཏོང་བ་དང་། སྔོན་འགོག་ཚོད་འཛིན་གྱི་རྨང་གཞི་ཇེ་བརྟན་དུ་གཏོང་བ་གནད་སར་འཇོག་པ། ཕྱི་ནད་ནང་ལ་མཆེད་པའི་འགོག་བཅོས་དམ་འཛིན་བྱས་ཏེ། མི་དང་ཕྱུགས་ཟོག་ལ་མཉམ་དུ་