མཚོ་སྔོན་གྱི་མི་རིགས་མཐུན་སྒྲིལ་ཡར་ཐོན་གསར་འཛུགས་བྱ་བའི་གནས་ཚུལ་རགས་བསྡུས།
མི་རིགས་དང་ཆོས་ལུགས་དང་རིག་གནས་མི་འདྲ་བ་མང་པོ་ཡོད་པའི་མཚོ་སྔོན་ནི་བོད་རང་སྐྱོང་ལྗོངས་ཕུད་པའི་བོད་ཁུལ་ཆེས་ཆེ་བ་ཡིན་ལ། མི་རིགས་རང་སྐྱོང་ས་ཁུལ་གྱིས་སྤྱིའི་ས་ཁྱོན་གྱི་བརྒྱ་ཆའི་གོ་བརྒྱད་ཟིན་ཡོད་པས། རང་རྒྱལ་གྱི་མི་རིགས་རང་སྐྱོང་ས་གནས་ཀྱི་རྒྱ་ཁྱོན་བསྡུར་ཚད་ཆེས་མཐོ་བའི་ཞིང་ཆེན་ཞིག་ཀྱང་ཡིན། མི་གྲངས་ས་ཡ་ལྔ་འབུམ་བདུན་ཁྲི་བརྒྱད་ཀྱི་ནང་གྲངས་ཉུང་མི་རིགས་ཀྱིས་བརྒྱ་ཆའི་ཞེ་བདུན་ཟིན་པས། རང་རྒྱལ་གྱི་གྲངས་ཉུང་མི་རིགས་ཀྱི་མི་གྲངས་བསྡུར་ཚད་ཆེས་མཐོ་བའི་སྒྲིག་གཞི་ཆ་ཚང་བའི་ཞིང་ཆེན་ཡང་ཡིན། མི་རིགས་སོ་སོར་མཐུན་སྒྲིལ་གཅིག་གྱུར་སྲུང་སྐྱོབ་དང“མོས་མཐུན་བཞི”རྒྱུན་འཁྱོངས་བྱེད་པའི“མཚོ་སྔོན་གྱི་སྲོལ་རྒྱུན”ཞིག་ཆགས་ཡོད།
མཚོ་སྔོན་གྱི་བཀོད་པ་མཛེས་ལ་ས་རྒྱ་ཆེ་སྟེ་སྤྱི་ལེ་གྲུ་བཞི་མ་འབུམ་བདུན་ཁྲི་གཉིས་ལྷག་ཡོད། དེར་མ་ཟད་མཚོ་སྔོན་ནི་ནུབ་རྒྱུད་ཀྱི་འཕེལ་རྒྱས་དལ་བའི་ས་ཁུལ་དང་མཐོ་སྒང་ས་ཁུལ་གཉིས་ཀའི་ཁྱད་ཆོས་ཡོངས་སུ་ཚང་བའི་ཞིང་ཆེན་ཞིག་ཀྱང་ཡིན། རྨ་འབྲི་རྫས་གསུམ་གྱི་མགོ་ཁུངས་སུ་གནས་ཆགས་ཤིང་། གོ་ལའི་བྱང་ཕྱེད་མའི་ཆུ་ཁ
