གཅིག མཚོ་ལྷོ་ཁུལ་གྱིས་ཐོན་ལས་གྲུབ་ཚུལ་ལེགས་སྒྲིག་བྱས་ནས་རོང་འབྲོག་པར་ཕན་ཐོགས་པ།
ཉེ་ལམ། གསར་འགོད་པས་མཚོ་ལྷོ་བོད་རིགས་རང་སྐྱོང་ཁུལ་གྱི་འབྲེལ་ཡོད་སྡེ་ཁག་ནས་རྒྱུས་ལོན་བྱུང་བ་ལྟར་ན། ས་དེ་གས་སྐྱེ་ཁམས་ལ་བརྟེན་ནས་ཁུལ་སྐྱོང་བའི་འཐབ་ཇུས་ལག་ཏུ་བསྟར་བས་སྐྱེ་ཁམས་གནས་ཚུལ་མངོན་གསལ་གྱིས་ཇེ་ལེགས་སུ་སོང་བ་དང་རོང་འབྲོག་ཁུལ་གྱི་ཐོན་ལས་གྲུབ་ཚུལ་སྔར་བས་ལེགས་སྒྲིག་བྱས་ཤིང་། རོང་འབྲོག་པའི་ཐོན་སྐྱེད་དང་འཚོ་བའི་བྱེད་ཐབས་ལ་འགྱུར་ལྡོག་གསལ་བོ་བྱུང་། རྨོ་སྐྱུར་ནགས་སྐྱོང་རྩྭ་སྐྱོང་གི་སྲིད་ཇུས་དངོས་འབེབས་བྱས་པས། ས་ཞིང་བྱེ་འགྱུར་ཚད་མངོན་གསལ་སྒོས་ཇེ་ལྷོད་དུ་བཏང་། ཉེ་བའི་ལོ་འགའི་ཚུན་དུ་རྒྱ་ཆེའི་རོང་འབྲོག་མང་ཚོགས་ཀྱི་སྐྱེ་ཁམས་འདུ་ཤེས་ཉིན་རེ་བཞིན་ཇེ་དྲག་ཏུ་སོང་བ་དང་། སྐྱེ་ཁམས་འཛུགས་སྐྲུན་ནང་ཞུགས་པའི་ཧུར་བརྩོན་རང་བཞིན་སྔར་བས་ཇེ་མཐོར་གྱུར། ཐོན་སྐྱེད་དང་འཚོ་བའི་བྱེད་ཐབས་ལ་འགྱུར་ལྡོག་གསལ་བོ་བྱུང་། རོང་འབྲོག་པ་མང་ཚོགས་ལ་རྒྱལ་ཁབ་ཀྱི་རྨོ་བསྐྱུར་ནགས་སྐྱོང་གི་ཁ་གསབ་ཁྲོད་ནས་དངོས་ཕན་ཐོབ་པར་མ་ཟད། ད་དུང་སྐྱེ་ཁམས་ལེགས་སྒྱུར་ལས་ཐོན་སྐྱེད་དང་འཚོ་བར་ཁེ་ཕན་དངོས་སུ་ཐོབ། རྫབ་རླིང་དང་གློག རྡོ་སོལ། ཉི་ནུས་སོགས་ཀྱིས་རིམ་བཞིན་འབར་ཆས་ཀ