ཉེ་ལམ་གསར་འགོད་པས་ཞིང་ཆེན་ཞིང་ཕྱུགས་ཐིན་ནས་ཤེས་གསལ་ལྟར་ན། མིག་སྔར་རང་ཞིང་དུ་གྲོང་ཁྱེར་དང་ཁུལ་རིམ་པ་ཡན་གྱི་ཞིང་ཕྱུགས་ལས་ཐོན་ལས་ཅན་གྱི་སྣེ་ཁྲིད་ཁེ་ལས་སུམ་བརྒྱ་གོ་བཞི་ལ་བསླེབས་ཡོད། དེའི་ནང་དུ་རྒྱལ་ཁབ་རིམ་པ་བཅུ་བདུན་དང་ཞིང་ཆེན་རིམ་པ་དོན་དྲུག་ཡོད་ལ། སྡོམ་རྩིས་བྱས་པ་ལྟར་ན། ན་ནིང་ཞིང་ཆེན་རིམ་པ་ཡན་གྱི་སྣེ་ཁྲིད་ཁེ་ལས་ཀྱིས་ཉོ་ཚོང་ཡོང་སྒོ་སྒོར་དུང་ཕྱུར་ང་ལྔ་དང་བྱེ་བ་ལྔ་བླངས་པ་དང་། ཞིང་བ་ཁྱིམ་ཚང་འབུམ་ལྔ་ལྷག་ལ་ཁྱབ་འགྱེད་སྣེ་ཁྲིད་བྱས། ཁྱིམ་ཚང་རེར་ཆ་སྙོམས་བྱས་ན་ཡོང་སྒོ་སྒོར་སྟོང་གཅིག་དང་སུམ་བརྒྱ་འཕར་ལ། ལས་ཞུགས་མི་སྣ་འབུམ་གཅིག་ལྷག་བཀོད་སྒྲིག་བྱས། ཟླ་ཕོགས་ཐོབ་ཆ་སྒོར་དུང་ཕྱུར་བཅུ་དང་བྱེ་བ་བདུན་སྤྲད་པ་དང་། མཐོ་སྒང་གི་ཁྱད་ཆོས་དང་སྐྱེ་ཁམས་ལྗང་མདོག་མཚོན་རྟགས་ཡིན་པའི་ཞིང་ཕྱུགས་ལས་ཐོན་ལས་ཅན་གྱི་སྣེ་ཁྲིད་ཁེ་ལས་དེ་རང་ཞིང་གི་ཞིང་ཕྱུགས་ལས་དཔལ་འབྱོར་གྱི་སྟོབས་ཤུགས་གསར་བར་འགྱུར་བཞིན་ཡོད།
ཉེ་བའི་ལོ་འགར། རང་ཞིང་གིས་ཞིང་ཕྱུགས་ལས་ཐོན་འཕར་དང་རོང་འབྲོག་པའི་ཡོང་སྒོ་འཕར་བའི་དམིགས་འབེན་ལ་དམིགས་ནས། གསར་སྐྲུན་དང་རིམ་འཕར། ལེགས་བཅོས། ཆེར་བསྐྱེད་བཅས་རྒྱུན་འཁྱོངས་དང་། འཕེལ་རྒྱས་ཁོར་ཡུག་ལེགས་བསྒྱུར། འཕེལ་རྒྱས་རྨང་གཞི་འད
