“ནགས་ཚལ། རྩྭ་ཐང་དང་ཆུ་བོ། བརླན་ས་བཅས་ནི་རང་བྱུང་ཁམས་ཀྱིས་མིའི་རིགས་ལ་བསྩལ་བའི་ཕུན་སུམ་ཚོགས་པའི་ཐོན་ཁུངས་ཡིན་པས་ངེས་པར་དུ་གཅེས་འཛིན་ལེགས་པོ་བྱ་དགོས།”
ཙུང་ལི་ལིས་ཁི་ཆིང་གི«སྲིད་གཞུང་བྱ་བའི་སྙན་ཞུའི»ཁྲོད་ད་ལོར་ཡང་བསྐྱར་གཙང་གསུམ་མགོ་ཁུངས་ལ་སྲུང་སྐྱོབ་བྱེད་དགོས་པའི་སྐོར་བསྟན་ཡོད་ལ། དེའང་མཚོ་སྔོན་ཞིང་ཆེན་གྱི་འཐུས་མི་དང་ཨུ་ཡོན་ཚོའི་གླེང་གཞི་གཙོ་བོར་གྱུར། སྐྱེ་ཁམས་ཁོར་ཡུག་སྲུང་སྐྱོབ་ནི་བྱ་འགུལ་སྣ་ཚོགས་རྒྱུན་འཁྱོངས་བྱེད་པར་རག་ལས་པས་ངེས་པར་དུ་ལྷོད་མེད་དམ་འཛིན་བྱེད་དགོས། གཙང་གསུམ་མགོ་ཁུངས་ཀྱི་སྐྱེ་ཁམས་སྲུང་སྐྱོབ་དང་བཟོ་སྐྲུན་གྱི་དུས་སྐབས་གཉིས་པའི་འཛུགས་སྐྲུན་ལག་བསྟར་བྱས་ཏེ་ད་བར་ལོ་གཅིག་འགོར་བ་དང་།གཙང་གསུམ་མགོ་ཁུངས་ཀྱི་སྐྱེ་ཁམས་སྲུང་སྐྱོབ་ཀྱི་འཛུགས་སྐྲུན་གྲུབ་འབྲས་ཀྱི་ཆེད་དུ་མཚོ་སྔོན་ཞིང་ཆེན་གྱིས་ཕྱོགས་གང་ཐད་ནས་ཧུར་བརྩོན་བྱས་ཡོད་ཅེ་ན།
ཨུ་ཡོན་པོ་དབྱི་ཀྲི་ལགས་ཀྱིས་བཤད་རྒྱུར། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཐོག་མཐའ་བར་གསུམ་དུ་གཙང་གསུམ་མགོ་ཁུངས་ས་ཁུལ་གྱི་སྐྱེ་ཁམས་ཁོར་ཡུག་སྲུང་སྐྱོབ་བྱར་བར་མཐོང་ཆེན་ཚད་མཐོན་པོ་བྱས་ཏེ་གཙང་གསུམ་མགོ་ཁུངས་ཀྱི་སྐྱེ་ཁམས་སྲུང་ས
