“ཞིང་ཕྱུགས་ལས་ཀྱི་དངོས་འབྲེལ་དྲ་རྒྱ་མ་ལག་ནང་འདྲེན་བྱས་པ་ནས་བཟུང་། ང་ཚོས་གློག་ཀླད་བརྒྱུད་ནས་སྔོ་ཚོད་འདེབས་པ་དང་ཉ་གསོ་བ་སོགས་བྱེད་ཆོག་པས། སྟབས་བདེ་བར་མ་ཟད། ད་དུང་སྤྲོ་སྣང་ཡང་ཡོད། མ་ལག་ཆ་ཚང་ཞིག་གིས་ངལ་རྩོལ་པ་འགའི་ནུས་པ་འདོན་ཐུབ”ཅེས་གཏེར་ལེན་ཁ་གྲོང་ཁྱེར་ཞིན་ཡུས་སྔོ་ཚོད་འདེབས་འཛུགས་ཆེད་ལས་མཉམ་ལས་ཁང་གི་ལག་རྩལ་པས་དེ་ལྟར་བཤད།
མཉམ་ལས་ཁང་གི་འགན་ཁུར་པས་ང་ཚོར་བཤད་རྒྱུར། ཞིན་ཡུས་སྔོ་ཚོད་འདེབས་འཛུགས་དཔེ་སྟོན་ཆེད་ལས་མཉམ་ལས་ཁང་གིས་ཐོག་མར་ཞིང་ཆེན་ཡོངས་སུ་སྔོ་ཚོད་སྒྲིག་བཀོད་ཞིང་ལས་དངོས་འབྲེལ་དྲ་རྒྱ་མ་ལག་བཙུགས་ཏེ། ཆ་འཕྲིན་ལག་རྩལ་དང་དེང་རབས་ཞིང་ལས་འཕེལ་རྒྱས་ནུས་ལྡན་ངང་མཉམ་འདྲེས་བྱེད་པ་མངོན་འགྱུར་བྱས། མ་ལག་དེའི་ཁྲོད་དུ་དྲོད་ཁང་གི་ཁོར་ཡུག་ལྟ་ཞིབ་ཚད་ལེན་གྱི་རིག་ནུས་ཅན་གྱི་ཚོད་འཛིན་མ་ལག་དང་། མཉེན་ཆས་བཀོལ་སྤྱོད་སྟེགས་བུ་སོགས་ཡན་ལག་བཞི་འདུས་ཡོད། དྲོད་ཁང་ལ་ཚོར་བརྡ་འཕྲུལ་ཆས་དང་ཚོད་འཛིན་འཕྲུལ་ཆས་སྣ་ཚོགས་སྒྲིག་སྦྱོར་བྱས་ཡོད་པས། དྲོད་ཁང་ནང་གི་མཁའ་རླུང་དྲོད་གཤེར་ཚད་དང་ཉི་འོད་ཕོག་ཚད། ས་གཤིན་བརླན་ཚད། བརྙན་རིས་སོགས་ཀྱི་ཚད་ལེན་ནུས་པ་དུས་ཐོག་ཏུ་མངོན་འགྱུར་བྱས། ལྟ་ཞིབ་ཚད་ལེན་གྲངས་ཀའི་འགུལ་སྐྱོད་འགྱུར
