ང་ཚོ་ཁོ་ཆུ་ཆུ་བོའི་ལྡོག་ཕྱོགས་སུ་བསྐྱོད་དེ། ཕལ་ཆེར་སྤྱི་ལེ་བཅུ་ཙམ་སོང་མཚམས་སུ། དབུ་རྒྱན་ལུང་བར་ཐོན། གནས་འདི་ནི་མཚོ་ངོས་ལས་མཐོ་ཚད་ལ་མུས་སྟོང་བཞི་དང་ཉིས་བརྒྱ་ཡོད་པ་དང་། འཁྱག་རོམ་དང་གངས་རིའི་བཞུར་ཆུ་རྒྱང་རིང་གི་གནས་ནས་གཞོགས་གཅིག་ཏུ་འདྲེས་ནས་ཡོང་ལ། དྭངས་ཤིང་གཙང་བའི་དབུ་རྒྱན་ཆུ་བོས་ལུང་ཁུག་འདི་ལ་བཅུད་ཅིག་བསྩལ་ཡོད་ཅིང་། ལུང་ཁུག་འདི་རུ་འབྲོག་པ་ཁྱིམ་ཚང་བརྒྱ་དང་སོ་གསུམ་ཁ་འཐོར་གྱི་ངང་ནས་བསྡད་ཡོད། གནས་འདི་ནི་དགའ་བདེ་རྫོང་གོང་མ་ཞོལ་མ་ཞང་དབུ་རྒྱན་སྡེ་བ་ཡིན་ཞིང་། གནས་འདི་ནི་འབྲོག་ལས་རྐྱང་རྐྱང་གཉེར་བའི་ཁ་འཐོར་ངང་བསྡད་ཡོད་པའི་བོད་རིགས་སྡེ་བ་ཞིག་རེད།
ད་ལོ་ལོ་ཞེ་དགུ་ལ་སླེབས་ཡོད་པའི་བོད་རིགས་སྟག་ཤར་ཞའེ་ཅང་ནི་སྡེ་བའི་ཏང་ཀྲི་པུའུ་ཧྲུའུ་ཅི་ཡིན་པ་དང་། ཁོ་ནི་མགྲོན་བསུ་ལ་དགའ་བ་ཞིག་ཡིན་པ་དང་། གསར་འགོད་པ་བཅར་འདྲིར་ཡོང་བའི་གནས་ཚུལ་གོ་རྗེས། ཁོས་འཕྲུལ་རྟ་བསྐོར་ནས་ང་ཚོ་བསུ་རུ་སླེབས་བྱུང་། ང་ཚོས་ཁོའི་ཟབ་ཅིང་མཐུག་པའི་ལག་པར་འཇུས་སྐབས་ཞའེ་ཅང་གི་གདོང་ནས་འཛུམ་མདངས་ལྷུག་པོར་གྲོལ་བྱུང་།
གངས་ལྗོངས་ཀྱི་ཡུལ་གྲུ་འདིའི་སྟེང་དུ་འབྲོག་པ་མང་ཚོགས་རྣམས་ཁ་འཐོར་གྱི་ངང་ནས་འཚོ་སྡོད་བྱས་ཡོད་པ་དང་། རླངས་འཁོར་སྤྱི་ལེ་བཅུ་
