མཐོ་སྒང་གི་ཡུལ་དུ་དྲོད་ཀྱི་སྣང་བ་ཞིག་ཡུན་གྱིས་ཤར་བ་ན། གསོན་ཤུགས་དང་སྐྱེས་སྟོབས་ཀྱིས་ཁེངས་པའི་རྨ་ཆུ་དང་ཙོང་ཆུའི་གཞོང་ས་ཁུལ་གྱི་མགོ་ལོག་བོད་རིགས་རང་སྐྱོང་ཁུལ་དུ་བགྲོད་སའི་ལམ་བུ་དེ་དངུལ་དཀར་གྱིས་བརྒྱན་པའི་རི་ཚོགས་ཀྱིས་གསེང་ན་སྐྱ་ཐག་གེར་ཀྱག་ཀྱོག་གི་ཚུལ་དུ་རྒྱང་རིང་དུ་འཐེན་འདུག མགོ་ལོག་བོད་རིགས་རང་སྐྱོང་ཁུལ་དུ་ཐོན་པའི་ལམ་ཐག་ཇེ་ཉེར་ཕྱིན་པ་དང་བསྟུན་ནས་མཚོ་ངོས་ལས་མཐོ་ཚད་ཀྱང་ཇེ་མཐོར་འགྲོ་བཞིན་ཡོད་པ་རེད།
ལོ་གཉིས་ཀྱི་ཡར་སྔོན་གྱི་དཔྱིད་ཀའི་དུས་ཚིགས་ཤིག་ལ། ཞིང་ཆེན་ཏང་ཨུ་དང་། ཞིང་ཆེན་སྲིད་གཞུང་གིས་མགོ་ལོག་གི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་ཆེད་དོན་བྱ་བའི་གྲོས་ཚོགས་བསྡུས་པ་དང་། ཚོགས་ཐོག་ཏུ་མགོ་ལོག་གི་དཔལ་འབྱོར་སྤྱི་ཚོགས་མྱུར་དུ་འཕེལ་རྒྱས་གཏོང་བའི་སྐོར་གྱི་འབྲེལ་ཡོད་བསམ་འཆར་ལ་ཞིབ་འཇུག་བྱས་ནས་བཀྲམས་པ་དེས་མགོ་ལོག་མྱུར་དུ་འཕེལ་རྒྱས་གཏོང་བའི་འབུར་ཐོན་གནད་དོན་དུ་འཇོག་པར་རྒྱབ་སྐྱོར་བྱེད་ཤུགས་ཇེ་བརྟན་དུ་བཏང་སྟེ། མགོ་ལོག་གི་དཔལ་འབྱོར་སྤྱི་ཚོགས་མྱུར་དུ་འཕེལ་རྒྱས་གཏོང་བར་མདུན་བསྐྱོད་ཀྱི་ལམ་ཐིག་གསར་བ་ཞིག་བྲིས་པ་དང་། དེས་མགོ་ལོག་ལ་སྔ་ན་མེད་པའི་མདུན་ལྗོངས་ལེགས་པོ་ཞིག་དང་ཐོན་ཁུངས་ཀྱི་གསོན་ཤུགས་ཅིག་བསྩལ
