མཚོ་སྔོན་ནི་གཙང་གསུམ་འབྱུང་ཡུལ་དང་ཀྲུང་ཧྭའི་ཆུ་མཛོད་ཡིན་པའི་ཆ་ནས། ནགས་ལས་སྐྱེ་ཁམས་འཛུགས་སྐྲུན་དེ་ཐད་ཀར་རྒྱལ་ཁབ་ཀྱི་སྐྱེ་ཁམས་བདེ་འཇགས་དང་ཚྭ་མེད་ཆུའི་བདེ་འཇགས། དམངས་འཚོ་ལེགས་བཅོས་སོགས་ལ་འབྲེལ་བ་དམ་པོ་ཡོད། སྐྱེ་ཁམས་ཁོར་ཡུག་ལེགས་པོ་ནི་མཚོ་སྔོན་གྱི་ཁྱད་ལྡན་ཐོན་ཁུངས་གལ་ཆེན་དང་སྦས་ཤུགས་ཆེན་པོ་ཡིན། སྐྱེ་ཁམས་དཔལ་ཡོན་འཛུགས་སྐྲུན་བྱེད་པ་ནི་མཚོ་སྔོན་རང་སྟེང་གི་འཕེལ་རྒྱས་ལ་རག་ལས་པ་མ་ཟད། རྒྱལ་ཡོངས་ཀྱི་རྒྱུན་མཐུད་འཕེལ་རྒྱས་དང་ཐ་ན་འཛམ་གླིང་ཡོངས་ཀྱི་སྐྱེ་ཁམས་བདེ་འཇགས་ལའང་རག་ལས་ཡོད།
ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་ལ། སྤྱི་ཁྱབ་ཧྲུའུ་ཅི་ཞིས་ཅིན་ཕེན་གྱིས་སྐྱེ་ཁམས་དཔལ་ཡོན་འཛུགས་སྐྲུན་ཐད་གསུང་བཤད་གལ་ཆེན་རབ་དང་རིམ་པ་གནང་ཏེ། ལྟ་ཚུལ་གསར་བ་དང་ཆོད་གཏམ་གསར་བ། བླང་བྱ་གསར་བ་བཅས་བཏོན། ཁྱད་པར་དུ་མཚོ་སྔོན་གྱི་སྐྱེ་ཁམས་དཔལ་ཡོན་འཛུགས་སྐྲུན་ལ་མཛུབ་སྟོན་གལ་ཆེན་གནང་ཏེ། མཚོ་སྔོན་གྱི་ནགས་ལས་པས་སྐྱེ་ཁམས་ནགས་ལས་དང་དམངས་འཚོའི་ནགས་ལས་ཀྱི་གནས་བབ་དང་ལས་འགན། སྦས་ཤུགས། ཁྱད་སྟོབས་བཅས་ཡང་དག་པས་ཁོང་དུ་ཆུད་པར་ ཕྱོགས་སྟོན་གལ་ཆེན་མཛད།
