གསར་འགོད་པ་མཚོ་ལྷོ་བོད་རིགས་རང་སྐྱོང་ཁུལ་ལས་རིགས་ལག་རྩལ་སློབ་གྲྭར་སླེབས་པ་ན། སྔོན་ནས་བཟུང་གནས་འདི་ནི་གླག་ཕྲུག་གི་ནམ་འཕང་གཏོད་ས་ཞིག་ཡིན་པ་གོ་ཐོས་ཡོད་ཀྱང་། ང་ཚོས་སློབ་གྲྭ་འདིའི་ཕྱི་ནང་ཀུན་ནས་བྱུང་བའི་ཡིད་སེམས་འགུལ་བའི་གཏམ་རྒྱུད་དག་ལ་ཉན་རྗེས། སློབ་གྲྭ་འདི་ནས་འཚར་ལོངས་བྱུང་བའི་སློབ་བུ་དག་ནི་གླག་ཕྲུག་ཞིག་དང་འདྲ་བར་གཤོག་ཟུང་རྒྱས་ཤིང་འཕུར་སྐྱོད་ཀྱི་རྩལ་རྫོགས་ནས་རང་གི་ཕུགས་འདུན་འཚོལ་སྙེགས་བྱེད་བཞིན་པ་ད་གཟོད་རྟོགས།
ལོ་བཅོ་བརྒྱད་ཡིན་པའི་ཆུང་སྐྱིད་ནི་ཐུན་ཏེ་རྫོང་ཐང་རྒན་ཞང་གི་ཡིན་པ་དང་། ཁོ་མོའི་ཨ་ཕ་སྔ་མོ་ནས་ཚེ་ལས་འདས་པས་ཁྱིམ་གྱི་བརྟེན་ས་དེ་གློ་བུར་དུ་མེད་པར་གྱུར།
སྐབས་དེར་ཁོ་མོའི་ཁྱིམ་དུ་བརྟག་དཔྱད་ལ་སོང་བའི་དགེ་རྒན་དེས་བཤད་རྒྱུར། ཁོ་མོ་ཚང་ནི་ཁང་བ་གྱན་གཅིག་ཏུ་བསྡད་ཡོད་པ་དང་། དེ་ནི་ད་དུང་ཟླ་རེར་སྒོར་མོ་ལྔ་བཅུ་བྱིན་ནས་གླས་ཡོང་བ་ཞིག་ཡིན་ཞིང་། ཁྱིམ་མི་གང་བོས་མ་མཐའི་འཚོ་བའི་འགན་སྲུང་ལ་བརྟེན་ནས་འཚོ་བ་རྒྱུན་འཁྱོངས་བྱེད་བཞིན་འདུག ཁྱིམ་དུ་དངོས་པོ་བཟང་པོ་གཅིག་ཀྱང་མི་འདུག་ལ། རང་དང་མཉམ་པའི་གྲོགས་པོ་ཚོ་ལྟར་བདག་སྐྱོང་བྱེད་མཁན་ཡང་མེད་པས། ཁོ་མོར་ཆད་པའི་དངོས་པོ་ཧ་ཅང་མང་པོ་མང་པོ་ཡོད་པ་རེད། ང་ཚོས་ག
