ལོ་རེའི་ཟླ་ལྔ་བ་ནས་ཟླ་བདུན་པ་ནི་མཚོ་སྔོན་པོའི་ལོ་གཅིག་ནང་གི་ཆེས་བཟང་བའི་དུས་ཚིགས་ཡིན། “ཕྱེད་ཀ་ཆུ་དྭངས་མོ་དང་ཕྱེད་ཀ་ཉ་གསེར་མིག”གི་སྙན་གྲགས་སེམས་སུ་བཅངས་ནས། གྲོང་ཁྱེར་སོ་སོའི་མི་རྣམས་རྒྱང་རིང་གི་ཡུལ་ནས་མཚོ་སྔོན་པོའི་འགྲམ་དང་འོམ་ཆུ་ཁར་ཡོང་གིན་ཡོད། ད་ལོར་ཀྲུང་དབྱང་བརྙན་འཕྲིན་ཁང་གིས«གསེར་ཉ་ཆུ་མགོར་རྐྱལ་བའི་དུས་ཚིགས་ཏེ། གསང་བ་ལྐོག་གྱུར་གྱི་མཚོ་སྔོན་པོ»ཞེས་པའི་ཆེད་སྒྲིག་ལེ་ཚན་ཐད་གཏོང་བྱས་མ་ཐག “གསེར་ཉ”ནི་དྲ་བ་དང་བགྲོ་གླེང་སྟེང་ནས་ཚང་མས་གླེང་བའི་མིང་ཚིག་ཤིག་ཏུ་གྱུར། དེའི་རྐྱེན་གྱིས། ད་ལོ་སྔར་བས་ཀྱང་ཕྱོགས་བཞི་མཚམས་བརྒྱད་ཀྱི་གནས་སྐོར་པ་རྣམས་གཅིག་རྗེས་གཉིས་མཐུད་ཀྱིས་ཡུལ་དེར་ཡོང་ནས། ཉ་ཚེ་ཐར་དུ་བཏང་ཞིང་གསེར་ཉར་ལྟད་མོ་ལྟ་བའམ། ཡང་ན་བགྲང་ལས་འདས་པའི་གསེར་ཉ་མང་པོ་ཆུ་བོའི་མགོ་ཁུངས་སུ་རྐྱལ་ནས་ཉ་སྒོང་གཏོང་བའི་ངོ་མཚར་ལྟད་མོར་ལྟ་འདོད་ཁོ་ནའི་ཆེད་དུ་ཡིན།
ཟླ་དྲུག་པའི་ཚེས་ཉེར་བདུན་ཉིན་ཏེ་གཟའ་མཇུག་གི་ཉིན་མོར། ཞོགས་པ་སྔ་མོ་ནས་མཚོ་ཁའི་བོད་མཁར་རྐང་ཚ་རྫོང་གི་འོམ་ཆུ་ཁ་རུ་སླེབས་དུས། ཉིན་གཉིས་ཀྱི་སྔོན་དུ་ཆར་བ་བབས་པས་འོམ་ཆུ་རྙོག་པོར་གྱུར་ཡོད་རུང་། ཆུ་ནང་དུ་ཉ་ཡིས་བཀང་ཡོད་པས། ག
