ལམ་ཐག་རིང་བོ་བརྒྱུད་དགོས། དཔེ་ཆ་མང་པོ་བཀླག་དགོས་ཞེས་པ་ནི་གནའ་མིས་མི་ཚེའི་འཚར་ལོངས་ཀྱི་གོ་རིམ་ལ་བཟུང་བའི་ཆེས་མཐོ་བའི་གོ་རྟོགས་ཤིག་ཡིན། མི་རེ་རེར་མཚོན་ན་ལོ་ན་དང་། ཕོ་མོ། མི་རིགས་སོགས་གང་ཅིའི་ཐད་ནས་དབྱེ་བ་ཡོད་པ་དང་། ཡང་གཅིག་བཤད་ན་ཁྱེད་རང་ལམ་ཐག་རིང་བོ་བརྒྱུད་མ་བརྒྱུད་གང་ཡིན་རུང་། མི་ཚེ་རང་སྟེང་ནས་གླེང་ཚེ། མི་ཚེ་ནི་མ་གཞི་ནས་འགྲུལ་བཞུད་ཀྱི་གོ་རིམ་ཞིག་ཡིན་ལ། མི་ཚེའི་བརྒྱུད་རིམ་ཁྲོད་ཐོབ་པའི་ཤེས་བྱ་ནི་ང་ཚོས་ཤ་ཁྲག་གི་གཏིང་ལ་བརྐོས་པའི་བརྡ་རྟགས་ཤིག་དང་། མི་ཚེའི་བགྲོད་ལམ་ནི་མཚམས་མེད་པར་སློབ་སྦྱོང་བྱས་ཏེ་འཚར་སྐྱེས་བྱུང་བའི་གོ་རིམ་ཞིག་ཡིན།
མི་རེ་རེའི་མི་ཚེའི་བརྒྱུད་རིམ་མི་འདྲ་བ་རེད། མི་འདྲ་བ་ས་ནི་སློབ་སྦྱོང་བྱས་པའི་མང་ཉུང་ཡིན་ལ། དེའི་ཁྲོད་དུའང་སློབ་སྦྱོང་གི་གོ་སྐབས་ཡེ་ནས་མི་འདྲ་བ་ཡིན་ཞིང་། དེ་བས་ཀྱང་རང་རང་གི་འབད་པ་བྱས་ཚད་མི་འདྲ་བ་ཡིན། དེར་བརྟེན། མི་ཚེའི་ལམ་དུ་སློབ་སྦྱོང་བྱེད་མིན་དེ་ནི་སྒེར་གྱི་དོན་དག་ཅིག་རེད། གཞན་གྱིས་དེའི་ཆ་ཤས་ཙམ་ཡང་ལོངས་སུ་སྤྱོད་མི་ཐུབ། ཇི་ལྟར་སློབ་སྦྱོང་བྱ་རྒྱུ་དང་། ཅི་ཞིག་སློབ་སྦྱོང་བྱ་རྒྱུ་དེ་ནི་རང་ཉིད་ལ་ཕྱོགས་ཤིང་ནང་སེམས་ལ་འཁོར་བའི་རང་ཉིད་སྐྱེ་འཚར་གྱི་བགྲོད་ལམ་ཞིག་སྟ
