གནས་འདི་ལ་དམར་དམག་གི་རྐང་རྗེས་ཕབ་ཡོད་ཅིང་། ཡུལ་འདི་ནི་རྒྱལ་པོ་སྲོང་བཙན་སྒམ་པོས་རྒྱ་བཟའ་ཀོང་ཇོ་ལ་བསུ་བ་བྱས་པའི་གནས་ཀྱང་ཡིན། ཡུལ་འདི་ནི་གེ་སར་སྒྲུང་གི་འབྱུང་ཡུལ་དང་རིག་གནས་ཀྱི་ཕ་ས་ཡིན། དེ་ནི་མཚོ་སྔོན་ཤར་ལྷོ་ས་ཁུལ་དུ་གནས་པའི་མགོ་ལོག་བོད་རིགས་རང་སྐྱོང་ཁུལ་ཡིན།
མགོ་ལོག་བོད་རིགས་ཁུལ་གྱི་གནས་སྐོར་ལས་རིགས་མེད་པ་ནས་ཡོད་པར་གྱུར་ཅིང་ཆུང་བ་ནས་ཆེ་བའི་ཕྱོགས་སུ་འཕེལ་རྒྱས་བྱུང་། འཕེལ་རྒྱས་ཀྱི་གོ་རིམ་ལ་དཀའ་སྡུག་ཆེ་རུང་གོམ་པ་བརྟན་ཞིང་སྟོབས་ཤུགས་ལྡན་པ་སྟེ། ཉིས་སྟོང་བདུན་ལོར་རྒྱལ་ཁབ་ཕྱི་ནང་གི་གནས་སྐོར་པ་མི་ཐེངས་འབུམ་གཅིག་ཁྲི་གཉིས་དང་གྲངས་ཆུང་གཉིས་སྣེ་ལེན་བྱས་ཏེ་གནས་སྐོར་ཡོང་སྒོ་སྒོར་ས་ཡ་བཞི་དང་འབུམ་གཉིས་ཁྲི་གཉིས་སྟོང་གཅིག་མངོན་དུ་བསྒྱུར། ཉིས་སྟོང་བཅུ་གསུམ་ལོར་རྒྱལ་ཁབ་ཕྱི་ནང་གི་གནས་སྐོར་པ་མི་ཐེངས་འབུམ་གཉིས་ཁྲི་གཅིག་སྟོང་བཞི་སུམ་བརྒྱ་སྣེ་ལེན་བྱས་ཏེ་གནས་སྐོར་ཡོང་སྒོ་སྒོར་དུང་ཕྱུར་གཅིག་དང་གྲངས་ཆུང་གཉིས་གཉིས་བླངས་ནས་ཐོག་མར་སྒོར་དུང་ཕྱུར་ཡན་དུ་བརྒལ། ན་ནིང་། ཁུལ་ཡོངས་ཀྱི་གནས་སྐོར་ལས་རིགས་ཡང་བསྐྱར་སྐས་རིམ་གསར་བ་ཞིག་ཏུ་སླེབས། ལོ་ཧྲིལ་བོར་བསྡོམས་པས་རྒྱལ་ཁབ་ཕྱི་ནང་གི་གནས་སྐོར་པ་མི་ཐེངས་འབུམ་གཉིས་ཁྲི་བརྒྱད
