གསར་འགོད་པ་གནམ་སྔོན་པོ་ཐང་ལ་ལྷུང་འདྲའི་མཛེས་སྡུག་གི་མཚོ་སྔོན་པོའི་འགྲམ་རྒྱུད་དུ་ཆགས་པའི་རྐང་ཚ་རྫོང་ཧོང་ཡུས་རྩྭ་ཕག་གསོ་སྤེལ་རྟེན་གཞི་རུ་ཐོན་དུས། མིག་གི་དབང་བོའི་སྤྱོད་ཡུལ་དུ་བརྒྱུད་འོང་བ་ནི་གྲལ་འགྲིག་ཅིང་བསྟར་ལེགས་པའི་དེང་རབས་ཅན་གྱི་ཕག་གསོ་ཁང་རེ་རེ་ཡིན།
དུག་སེལ་ལྭ་བ་གྱོན་ཏེ་དུག་སེལ་ཆས་དང་སྨུག་ཕྱིའི་འོད་སོགས་དུག་སེལ་གཙང་དག་བྱས་རྗེས། ང་ཚོ་གསོ་སྤེལ་རྟེན་གཞི་རུ་སླེབས། རྟེན་གཞིའི་ལས་བྱེད་མི་སྣས་བཤད་རྒྱུར། གསོ་སྤེལ་རྟེན་གཞི་རུ་ནད་ཡམས་ཕག་ཕྲུག་ལ་བགོ་བ་འགོག་སྲུང་བྱ་ཆེད། རྟེན་གཞི་རུ་འགྲོ་བའི་རླངས་འཁོར་ཚང་མར་ངེས་པར་དུ་དུག་སེལ་ནན་མོ་བྱེད་དགོས་ལ། དེ་བཞིན་གསོ་སྤེལ་ར་བའི་ལག་རྩལ་པ་རྣམས་ཀྱང་དེ་ལས་མ་འདུས་ཟེར།
ཉི་འོད་དང་བསིལ་རླུང་འཇམ་པའི་དེང་རབས་དྲོད་གཤེར་ནུས་ལྡན་གྱི་ཕག་གསོ་ཁང་ནང་། ནམ་རྒྱུན་ཕག་རྟུག་སོགས་ལ་གཙང་ཕྱག་བྱེད་ཀྱིན་ཡོད་པ་མ་ཟད། ད་དུང་ཕག་རེ་རེར་ནར་སོན་པའི་ཞིབ་ཆའི་ཟིན་ཐོའང་འབྲི་བཞིན་ཡོད།
སྙན་འཇེབས་ལྡན་པའི་གླུ་དབྱངས་ཤིག་གི་འགྲོས་དང་བསྡོངས་ནས་ང་ཚོ་ཕག་གསོ་ཁང་དུ་ཐོན་རྗེས། གཞི་རིམ་འགན་ལེན་པ་ལིག་ཞིན་གྱིས་བཤད་རྒྱུར། ཕག་ཕྲུག་རྣམས་ལ་ནམ་རྒྱུན་ཁམས་མི་བདེ་བ་དང་ཟས་མི་འཕྲོད་པའི་ནད་རྟགས་འ
