གྲལ་དག་པའི་སྡོད་ཁང་གསར་བ་དང་ཡངས་ཤིང་རྒྱ་ཆེ་བའི་ཨར་འདམ་གྱི་གཞུང་ལམ། ག་ས་གང་དུ་སིལ་ཏོག་གི་དྲི་ཞིམ་འཐུལ་ཞིང་། ཐོན་སྐྱེད་འཕེལ་རྒྱས་དང་ཁོར་ཡུག་ལེགས་པ། དཔལ་ཡོན་ལྡན་པ། སྡེ་དམངས་ཀྱི་འཚོ་བ་འབྱོར་ཕྱུག་ལྡན་པའི་རྣམ་པ་གསར་བ་དེ་ནི་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་རྫོང་རྒྱལ་བོ་ཞང་སྐྱིད་ཚང་སྡེ་བའི་སྡེ་དམངས་ཀྱི་བདེ་སྐྱིད་འཚོ་བའི་མཚོན་བྱེད་ཅིག་རེད།
ཉེ་བའི་ལོ་འགའི་རིང་ལ། རྫོང་མཁར་དང་བར་ཐག་སྤྱི་ལེ་ཉེར་གཉིས་ཡོད་པ་དང་། ཁྱིམ་ཚང་བརྒྱ་དང་སོ་གསུམ་དང་མི་གྲངས་བདུན་བརྒྱ་གཉིས་ཡོད་པའི་སྡེ་བ་དེ་རུ། “མཉམ་འབྲེལ་གསུམ་དང་སྐུལ་འདེད་གསུམ”གྱི་ལས་ཁུངས་ཐུན་རིན་རྫོང་ཏང་ཨུའི་དྲིལ་སྒྲོག་པུའུ་ཡི་རོགས་སྐྱོར་དང་། སྡེ་བའི་ཨུ་ཡོན་ལྷན་ཁང་གཉིས་ཀྱི་མགོ་ཁྲིད་ཀྱིས་སྡེ་དམངས་ཀྱི་སྣེ་ཁྲིད་དེ་མཉམ་དུ་འབད་པ་བྱས་འོག ལོ་གཅིག་ལ་འགྱུར་ལྡོག་གསར་བ་རེ་ཡོད་པ་དང་། ཞང་ཡོངས་ཀྱི་སྲིད་འཛིན་སྡེ་བ་དྲུག་གི་ཁྲོད་ཨང་དང་པོར་གནས་ཡོད་ལ། སྡེ་དམངས་ཀྱིས་བདེ་སྐྱིད་ཀྱི་འཚོ་བ་རོལ་བཞིན་ཡོད།
རྒྱལ་བོ་ཞང་ཡོངས་སུ། རོང་འབྲོག་པའི་བདེ་སྡོད་བཟོ་སྐྲུན་དང་སྡེ་བ་རིམ་པའི་རྩ་འཛུགས་བྱ་འགུལ་གནས་འཛུགས་སྐྲུན་ལ་ཟུང་འབྲེལ་བྱས་ནས། ཐོན་ཁུངས་གཅིག་བསྡུས་དང་སྒྲ
