རང་ཞིང་གི་བོད་ཁུལ་དུ་རིགས་སོ་སོའི་མི་དམངས་ཀྱིས་འཚོ་བ་སྔར་ལས་བདེ་སྐྱིད་ཡོང་བར་རེ་སྙེག་བྱེད་པའི་འདུན་པ་འགྱུར་མེད་ལ། སྐྱེ་ཁམས་སྔར་ལས་མཛེས་པ་དང་སྤྱི་ཚོགས་སྔར་ལས་འཆམ་མཐུན་ཡོང་བར་སྨོན་པའི་བསམ་པའང་འགྱུར་མེད་པས། ང་ཚོས་ངེས་པར་དུ་བོད་ཁུལ་བྱ་བའི་དམིགས་གནད་དང་ཤུགས་འདོན་ས་དེ་མེས་རྒྱལ་གཅིག་གྱུར་ལ་སྲུང་སྐྱོང་དང་མི་རིགས་མཐུན་སྒྲིལ་ལ་ཤུགས་སྣོན་དགོས་པའི་ཕྱོགས་སུ་གཏོད་དགོས་ལ། མི་རིགས་མཐུན་སྒྲིལ་ཡར་ཐོན་སྔོན་ཐོན་ཁུལ་གསར་སྐྲུན་བྱ་འགུལ་གཏིང་ཟབ་ཏུ་སྤེལ་ནས་བོད་ཁུལ་བསྟུད་མར་འཆམ་མཐུན་བརྟན་འཇགས་ཡོང་བ་མངོན་འགྱུར་བྱེད་པ་དང་། སྤྱི་ཚོགས་ཕྱོགས་ཡོངས་ནས་ཡར་ཐོན་ཡོང་བར་སྐུལ་འདེད། བོད་ཁུལ་གྱི་རིགས་སོ་སོའི་མི་དམངས་ཀྱི་གཞི་རྩ་དང་ཡུན་རིང་གི་ཁེ་ཕན་ལ་སྔར་ལས་སྲུང་སྐྱོང་དང་གོང་སྤེལ་གཏོང་བ། མི་དམངས་མང་ཚོགས་ལ་སྔར་ལས་བརྟན་འཇགས་དང་འཆམ་མཐུན་ཡིན་པའི་ཐོན་སྐྱེད་འཚོ་བའི་ཁོར་ཡུག་ཅིག་བསྐྲུན་ནས། བོད་ཁུལ་ཡུན་རིང་བདེ་འགོད་ཡོང་བའི་ལམ་དུ་འགྲོ་བར་སྐུལ་འདེད་གཏོང་དགོས།