ཉེ་ལམ། མཚོ་བྱང་བོད་རིགས་རང་སྐྱོང་ཁུལ་མངའ་ཁོངས་ཀྱི་མཚོ་སྔོན་པོའི་འགྲམ་དུ་མི་མང་པོས་ཁོར་ཡུག་གཙང་སྦྲ་དང་བཅོས་སྐྱོང་བྱེད་བཞིན་པ་མཐོང་ཐུབ། མཚོ་སྔོན་པོ་མཐའ་འཁོར་གྱི་ཁོར་ཡུག་གནས་ཚུལ་སྔར་ལས་ལེགས་བཅོས་དང་། གནས་སྐོར་པ་མང་བའི་སྐབས་དང་སྡོད་དམངས་ཀྱི་ཉིན་རྒྱུན་འཚོ་བ་ལས་བཟོས་པའི་ཁོར་ཡུག་གཙང་སྦྲའི་གནད་དོན་ལེགས་བཅོས་བྱ་ཆེད། མཚོ་བྱང་ཁུལ་གྱིས་མཐོང་ཆེན་དང་ཚད་མཐོན་པོ་བྱས་ཏེ། ཁོར་ཡུག་སྲུང་སྐྱོང་དང་ནགས་ལས། གནས་སྐོར། འགྲིམ་འགྲུལ་སོགས་སྡེ་ཁག་དང་མཉམ་དུ་རྒྱལ་སྟོན་དུས་ཆེན་གྱི་ངལ་གསོ་དུས་ཚོད་མཇུག་སྒྲིལ་བ་ན། མཚོ་སྔོན་པོའི་མཐའ་འཁོར་དུ་སོང་སྟེ་ཡུལ་དངོས་ནས་ཁོར་ཡུག་གཙང་སྦྲའི་གནས་ཚུལ་ལ་ལྟོག་ཞིབ་བྱས་པ་མ་ཟད། ད་དུང་འཆར་གཞི་བཀོད་ཅིང་ལས་བགོས་གསལ་བོ་བྱས་ཏེ། མཚོ་སྔོན་པོའི་མཐའ་འཁོར་གྱི་ཁོར་ཡུག་གཙང་སྦྲ་དང་བཅོས་སྐྱོང་བྱེད་པའི་བྱ་བ་བཀོད་སྒྲིག་ཞིབ་མོ་བྱས། རྐང་ཚ་རྫོང་གིས་ཆེད་དོན་གྲོས་ཚོགས་ཐེངས་གཉིས་བསྡུས་ཤིང་། མངའ་ཁོངས་ཀྱི་ཁོར་ཡུག་གཙང་སྦྲ་བཅོས་སྐྱོང་དང“ནན་གསུམ་རྣལ་གསུམ”གྱི་བླང་བྱ་ལྟར། གནད་དོན་འབྱུང་རྐྱེན་ལ་སྔར་ལས་དབྱེ་ཞིབ་ཞིབ་མོ་དང་བཅོས་སྐྱོང་ལས་འགན་གཏན་ཁེལ་གསལ་བོ་བྱས་པ་དང་། མགོ་ཁྲིད་པའི་འགན་འཁྲི་
