ཉེ་སྔོན། གསར་འགོད་པ་མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་འོད་ཟེར་ཞང་བྲག་མཆོག་སྡེ་བའི་སྐྱེ་ཁམས་ཕྱུགས་ལས་ཆེད་ལས་མཉམ་ལས་ཁང་དུ་ཕྱིན་པ་དང་། ཞང་དེའི་ཏང་ཨུའི་ཧྲུའུ་ཅི་སངས་རྒྱས་སྐལ་བཟང་དང་བྲག་མཆོག་སྡེ་བའི་མཉམ་ལས་ཁང་གི་ལས་འཛིན་མགོ་གཙོ་དབང་རྒྱལ་གཉིས་དང་མཉམ་དུ་འབྲོག་པའི་ཁྱིམ་ཚང་རེ་རེར་སོང་ནས་རྩྭ་ཐང་འདིར་འགྱུར་ལྡོག་ཆེན་པོ་བྱུང་ཚུལ་སྐོར་ལ་རྒྱུས་ལོན་བྱས།
སྔོན་ཆད་ཁྱིམ་མི་བཞི་བོ་དབྱར་རྩྭ་དགུན་འབུ་རྐོ་བ་དང་འོ་མ་དང་མར། ཕྱུར་བ་སོགས་བཙོངས་པར་བརྟེན་ཡོད་ལ། ལོ་གཅིག་གི་ཡོང་སྒོ་སྒོར་སྟོང་བདུན་བརྒྱད་ཙམ་ལས་མེད། བྲག་མཆོག་སྡེ་བའི་འབྲོག་པ་འཕྲིན་ལས་ཀྱིས་བཤད་རྒྱུར། ན་ནིང་ལོ་མགོར། ཁོ་ཚང་གི་རྩྭ་ར་མུའུ་སྟོང་བཞི་དང་ནོར་བརྒྱད་མ་རྐང་དུ་བརྩིས་ནས་མཉམ་ལས་ཁང་ནང་བཞག་རྗེས། རང་གིས་ཕྱུགས་འཚོ་བ་དང་ཆུང་མས་འོ་མ་བཞོ་བའི་ལས་ཀ་ལས། ལོ་མཇུག་ཏུ་ཁེ་སྤོགས་བགོ་སྐབས་སྒོར་ཁྲི་བདུན་ལྷག་ལེན་རྒྱུ་ཡོད། འདི་ལྟ་བུའི་གནས་ཚུལ་སྔོན་ཆད་ཡིད་ལའང་ཤར་མ་མྱོང་ཟེར།
དབང་རྒྱལ་གྱིས་ཚིག་སྣེ་དེར་མཐུད་ནས་བཤད་རྒྱུར། འབྲོག་པ་
