ད་ལོར་དར་ལག་རྫོང་གིས་འཕེལ་རྒྱས་ཀྱི་གནས་བབ་ལེགས་པོ་མུ་མཐུད་དུ་སྲུང་འཛིན་བྱས་ཏེ། རྨང་གཞི་སྒྲིག་ཆས་འཛུགས་སྐྲུན་དང་སྐྱེ་ཁམས་ཕྱུགས་ལས་འཕེལ་རྒྱས། ནད་རིགས་འགོག་བཅོས། དམངས་འཚོ་ལེགས་བཅོས་སོགས་ལ་སྐུལ་འདེད་ཆེན་པོ་བྱས་ཤིང་། ཤུགས་གང་ཡོད་ཕུད་དེ་དམངས་འཚོའི་དོན་དངོས་ཆེན་པོ་བཅུ་ལེགས་པོར་བསྒྲུབས།
གཅིག་ནས་མ་དངུལ་གཏོང་ཚད་ཇེ་མང་དུ་བཏང་ཏེ་རྨང་གཞི་སྒྲིག་ཆས་འཛུགས་སྐྲུན་ལ་སྐུལ་འདེད་བྱས།
མ་དངུལ་སྒོར་བྱེ་བ་བརྒྱད་ལྷག་བཏང་ནས་གནས་སྤོས་ཡུལ་མིའི་སྡོད་ཁུལ་ལེགས་བསྒྱུར་བཟོ་སྐྲུན་ལག་བསྟར་བྱས་ཏེ། ལས་བྱེད་པའི་འཁོར་རྒྱུགས་སྡོད་ཁང་དང་འགན་སྲུང་རང་བཞིན་གྱི་སྡོད་ཁང་། ཚོང་གཉེར་ཁང་བ་སོགས་བསྡོམས་པས་ཁང་བ་ལྔ་བརྒྱ་བཅུ་གཉིས་ལས་ཚར་ཏེ། ཞིབ་བཤེར་རྩིས་ལེན་བྱེད་པར་སྒུག་ཡོད། ལས་གཞི་དེ་ནི་དར་ལག་རྫོང་གིས་ལོ་རྒྱུས་ཐོག་མ་དངུལ་གཏོང་ཚད་ཆེས་མང་ཞིང་གཞི་ཁྱོན་ཆེས་ཆེ་བ། སྡོད་ཁང་འཛུགས་སྐྲུན་གྱི་ཚད་གཞི་ཆེས་མཐོ་ཞིང་མྱུར་ཚད་ཆེས་མགྱོགས་པ། སྤུས་ཚད་ཆེས་བཟང་བའི་བཟོ་སྐྲུན་ཞིག་ཡིན། རྒྱལ་ཁབ་ཀྱིས་མཚོ་སྔོན་སོགས་ཞིང་ཆེན་དང་ལྗོངས་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་གཙང་གསུམ་འབྱུང་ཡུལ་གྱི་སློབ་གསོའི་འཕེལ་རྒྱས་ལ་རྒྱབ་སྐྱོར་བྱེད་པའི་ནུས་ཡོད་གོ་ས
