ཉེ་བའི་ལོ་འགའི་རིང་ལ། རང་ཞིང་གི་ཤར་རྒྱུད་ཞིང་ལས་ས་ཁུལ་གྱི་ནོར་ལུག་གསོ་སྤེལ་རྒྱ་ཁྱོན་ཇེ་མགྱོགས་སུ་བཏང་བས། གཟན་རྩྭའི་དགོས་མཁོ་ཇེ་ཆེར་སོང་། ཞིང་ཆེན་ཡོངས་ཀྱི་ས་ཁུལ་ཁ་ཤས་ཀྱིས་གཟན་རྩྭ་གཟན་ཆས་འདེབས་པའི་ལས་རིགས་གོང་དུ་སྤེལ་ཏེ། ཧུར་ཐག་སྒོས་འབྲུ་རིགས་འདེབས་པ་དེ་གཟན་ཆས་འདེབས་པའི་ཕྱོགས་སུ་བསྒྱུར།
ད་ལོར་ཞིང་ལས་གྲུབ་ཚུལ་ལེགས་སྒྲིག་བྱེད་ཚད་ཇེ་མགྱོགས་སུ་བཏང་བ་དང་། རང་ཞིང་གི་རོང་འབྲོག་ཁུལ་གྱི་དེང་རབས་གཟན་རྩྭའི་ཕྱུགས་ལས་གོང་དུ་འཕེལ་བའི་ཐབས་ལམ་ཞིག་འཚོལ་ཞིབ་བྱ་ཆེད། ཞིང་ལས་པུའུ་ཡི་རྒྱབ་སྐྱོར་ཆེན་པོ་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་དོ་སྣང་ཆེན་པོ་དང་ཤུགས་ཆེན་པོས་སྐུལ་འདེད་བྱས་འོག ཞིང་ཆེན་ཞིང་ཕྱུགས་ཐིན་གྱིས་ཚོད་ལྟ་འཛུགས་སྐྲུན་རྫོང་ལྔ་ལ་བརྟག་དཔྱད་བྱས་པ་བརྒྱུད། མཇུག་མཐར་ཧོང་ཀྲུང་རྫོང་དང་ཧུའུ་ཀྲུའུ་ཧོར་རིགས་རང་སྐྱོང་རྫོང་། མིན་ཡོན་ཧོས་རིགས་རང་སྐྱོང་རྫོང་བཅས་སུ་འབྲུ་རིགས་འདེབས་པ་དེ་གཟན་ཆས་འདེབས་པར་བསྒྱུར་ཏེ་གཟན་རྩྭའི་ཕྱུགས་ལས་གོང་དུ་སྤེལ་བར་ཚོད་ལྟ་བྱས།
འབད་བརྩོན་ལྷོད་མེད་བྱས་པ་བརྒྱུད། ད་ལོར་ཚོད་ལྟ་བྱས་པའི་རྫོང་གསུམ་གྱིས་བསྡོམས་པས་ཡུག་པོ་དང་། ཡུག་པོ་ནག་པོ། འབུ་སུ་ཧང་། མ་རྨོས་ལོ་ཏོག་སོ
