ཉེ་བའི་ལོ་འགའི་རིང་ལ། ཆང་འཐུངས་རྗེས་རླངས་འཁོར་བསྐོར་བའི་བྱ་སྤྱོད་ཀྱིས་སྤྱི་ཚོགས་ཀྱི་སྤྱི་བའི་བདེ་འཇགས་ལ་གནོད་འཚེ་ཚབས་ཆེན་བཟོས་པས། མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་གནོད་འཚེ་བཏང་མཁན་ཀྱི་གཤེད་མ་ལྟ་བུར་གྱུར་ཡོད་། དེས་ཚེ་སྲོག་གང་མང་ཞིག་རྒྱུན་ཆད་དུ་བཅུག་ལ། བདེ་སྐྱིད་ཀྱི་ཁྱིམ་ཚང་གང་མང་ཞིག་ཁ་ཐོར་དུ་བཏང་། ལྷག་པར་དུ་ཆང་འཐུངས་རྗེས་བྲོས་བྱོལ་བྱས་པའི་གྱོད་དོན་རིགས་ཀྱིས་མང་ཚོགས་ཀྱི་ཚེ་སྲོག་དང་རྒྱུ་ནོར་ལ་གྱོང་གུད་ཚབས་ཆེན་བཟོས།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བགྲོད་ལམ་འགྲིམ་འགྲུལ་བདེ་འཇགས་བཅའ་ཁྲིམས་ཀྱི་དོན་ཚན་ཉེར་གཉིས་པའི་ནང་དུ། ཆང་འཐུང་པ་དང་། རྒྱལ་ཁབ་ཀྱི་དོ་དམ་རྩིས་སྤྲོད་བྱེད་ཀྱིན་པའི་སྨྱོ་ནད་སྨན་དང་སྤྲིད་སྨན་འཐུང་བའམ་ཡང་ན་རླངས་འཁོར་བསྐོར་མི་ཐུབ་པའི་ནད་རིགས་བྱུང་ཡོད་པ། ཡང་ན་ཐང་ཆད་དྲགས་པའི་དབང་གིས་རླངས་འཁོར་བདེ་འཇགས་ངང་བསྐོར་མི་ཐུབ་པ་བཅས་ཀྱི་སྐབས་སུ་འཕྲུལ་སྒུལ་འཁོར་ལོ་བསྐོར་མི་ཆོག་ཅེས་གཏན་འཁེལ་གསལ་བོ་བྱས་ཡོད། ཆང་འཐུངས་རྗེས་མིའི་མཐོང་ཚོར་དང་རེག་ཚོར་ནུས་པ་ཉམས་ཏེ། རེག་ཚོར་རྨོངས་རྟུལ་དུ་འགྱུར་བ་དང་། མིག་ཤུགས་ཉམས་ནས་མཐོང་རྒྱ་ཡང་ཇེ་དོག་ཏུ་འགྲོ་སྲིད། ཆང་འཐུངས་རྗེས་ད་དུང་ཉེ་སྒྲིབ་ཀྱ
